Ali məktəbə qəbula hazırlaşan bir qrup gənc BDU-da
AzerTAg.az
Bakı, 6 mart, AZƏRTAC
Şamaxıdan olan və ali məktəbə qəbula hazırlaşan bir qrup gənc Bakı Dövlət Universitetinə (BDU) ekskursiya edib.
Bu barədə AZƏRTAC-a BDU-dan məlumat verilib. Həmin gənclər seçdikləri ixtisas qruplarına uyğun olaraq BDU-nun Hüquq, Mexanika-riyaziyyat, Coğrafiya, Beynəlxalq münasibətlər və iqtisadiyyat fakültələri ilə tanış olublar. Fakültələrin laboratoriya, təcrübə və dərs otaqları ilə tanış olan gənclərə BDU-dakı ixtisaslar barədə məlumat verilib.
Gənclər Coğrafiya fakültəsində eksponat kimi saxlanılan Azərbaycanın ən böyük qlobusuna baxıb, sonra BDU-nun Təkamül təlimi, Faydalı qazıntılar muzeyləri, “Kod Academy” otaqlarında olublar.
Ekskursiya BDU-nun qarşısında xatirə fotosunun çəkilməsi ilə yekunlaşıb.
Xəbərin mətnində orfoqrafik səhv var
