ELM VƏ TƏHSİL


Ali məktəblərin boş qalan yerlərinə qəbul olmaq üçün 67 abituriyent ixtisas seçimi ərizəsini təsdiqləyib

Bakı, 16 avqust, AZƏRTAC 

Dövlət İmtahan Mərkəzi (DİM) tərəfindən ali təhsil müəssisələrinin boş qalan plan yerlərinə qəbul olmaq istəyən abituriyentlərin ixtisas seçimi aparılır.

DİM-dən AZƏRTAC-a bildirilib ki, bu gün saat 10:40-dək I, II, III və IV qruplar üzrə ümumilikdə 62, V qrup üzrə 5 nəfər ixtisas seçimi ərizəsini təsdiqləyib.

Qeyd edək ki, I, II, III və IV qruplar üzrə ixtisas seçiminə ümumi balı 200-dən, imtahanın ikinci mərhələsi üzrə balı 100-dən az olmayan abituriyentlər buraxılırlar.

Ali təhsil müəssisələrinə qəbul olmuş abituriyentlərin boş qalan yerlərinə qəbul üçün keçirilən müsabiqədə iştirak etmək hüquqları yoxdur.

İxtisas seçimi avqustun 19-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.