ELM VƏ TƏHSİL


Ali təhsil müəssisəsinin layihə menecerlərinin növbəti görüşü keçirilib

Bakı, 16 iyul, AZƏRTAC

Bakı Biznes Universitetində “Azərbaycanda rektorlar konfransının yaradılması” adlı layihə çərçivəsində layihə menecerlərinin ikinci görüşü keçirilib. Tədbirdə Azərbaycan Turizm və Menecment Universiteti də daxil olmaqla ölkənin 15 ali təhsil müəssisəsinin layihə menecerləri iştirak ediblər.

Bu barədə AZƏRTAC-a ATMU-dan məlumat verilib. Bildirilib ki, görüşdə ATMU-nu layihə meneceri olaraq Beynəlxalq əlaqələr şöbəsinin mütəxəssisi, Azərbaycan-Avstriya Turizm proqram koordinatoru Elmira Hacıyeva təmsil edib.

Görüşdə layihə rəhbəri Gülşən Bayramova layihənin icrası və ictimailəşdirilməsi üçün Azərbaycan universitetlərinin təşəbbüslərini dəstəklədiyini bildirib. O, bu kimi layihələrin davamlı olmasının zəruriliyini vurğulayıb.

Layihənin əsas məqsədi ali təhsil müəssisələrinin inkişaf planlarına uyğun olaraq rektorlar konfransı vasitəsilə universitetlər arasında hərtərəfli əməkdaşlığı genişləndirməkdir. Layihənin uğurlu nəticəsi olaraq Azərbaycan ali təhsil müəssisələri həm yerli, həm də beynəlxalq aləmdə çox önəmli əlaqələrin əsasını qoymuş olacaq.

Sonda görüş müsbət qarşılanaraq layihə menecerlərinə xüsusi təşəkkür bildirilib və görüləcək işlər müzakirə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.