ELM VƏ TƏHSİL


Ali təhsil pilləsinin doktorantura səviyyəsində təhsil almaq üçün 1971 nəfər müraciət edib

Bakı, 18 may, AZƏRTAC

Portal.edu.az üzərindən ali təhsil pilləsinin doktorantura səviyyəsinin fəlsəfə doktoru hazırlığı proqramı üzrə sənəd qəbulu prosesi başa çatıb.

Bu barədə AZƏRTAC-a Təhsil Nazirliyindən məlumat verilib. Bildirilib ki, cari ildə doktorantura təhsil səviyyəsi üzrə ümumilikdə 1971 müraciət daxil olub. 1832 müraciət fəlsəfə doktoru üzrə, 139 müraciət isə elmlər doktoru üzrə olub. Fəlsəfə doktoru üzrə müraciət edənlərdən 1716-sı növbəti mərhələdə olan imtahana buraxılış imkanı əldə edib.

Müraciət edən namizədlər “Ali və orta ixtisas təhsili müəssisələrinə təhsilalan qeydiyyatı” xidməti vasitəsilə qəbul olmaq istədiyi və eyni zamanda “Təhsil Mərkəzləşdirilmiş İnformasiya Sistemi”nə qoşulmuş 19 dövlət qurumunun tabeliyində olan 69 təhsil müəssisəsinə müraciət göndərib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.