İDMAN


Ali təhsilin bakalavr pilləsində antidopinq bilikləri tədris ediləcək

Bakı, 8 oktyabr, AZƏRTAC

Azərbaycan Dövlət Bədən Tərbiyəsi və İdman Akademiyasının (ADBTİA) “İdman menecmenti və kommunikasiya” ixtisası üzrə təhsil alan bakalavr tələbələrinə “İdmanda dopinq nəzarəti” seçmə fənni tədris ediləcək.

Azərbaycan Milli Antidopinq Agentliyindən (AMADA) AZƏRTAC-a bildiriblər ki, bu məqsədlə Akademiyanın Tibbi-bioloji elmlər kafedrasının müəllimləri üçün agentliyin mütəxəssisləri tərəfindən “Antidopinq tədris proqramı” həyata keçirilir.

Proqramı uğurla tamamlayan müəllimlər Akademiyada “İdmanda dopinq nəzarəti” fənnini tədris edəcəklər. Bundan əlavə, onlar antidopinq maarifləndirməsi ilə bağlı lazımi tədris materialları ilə təmin ediləcəklər.

Qeyd edək ki, AMADA bu sahədə ADBTİA ilə 2019-cu ildən əməkdaşlıq edir və magistr pilləsində təhsil alan tələbələr üçün agentliyin mütəxəssisləri tərəfindən antidopinq tədris proqramı keçirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.