MƏDƏNİYYƏT


Alla Puqaçova 70 illik yubileyini qeyd edir

Moskva, 15 aprel, AZƏRTAC

SSRİ Xalq artisti, Azərbaycanın “Dostluq” ordenin sahibi, məşhur Rusiya estrada müğənnisi Alla Puqaçova 70 illik yubileyini qeyd edir.

AZƏRTAC xəbər verir ki, Rusiya Prezidenti Vladimir Putin müğənnini yubileyi münasibətilə təbrik edərək, onun qeyri-adi istedadını, parlaq artistlik bacarığını, gənc istedadların üzə çıxmasında rolunu xüsusi qeyd edib.

Alla Puqaçova Moskvada anadan olub. İlk populyarlığı müğənniyə Bolqarıstanda keçirilən “Qızıl Orfey” festivalında ifa etdiyi “Arlekino”, daha sonralar 1978-ci ildə Polşanın “Sopot” festivalında təqdim etdiyi “Krallar hər şeyə qadirdir” mahnıları gətirib. Rusiya estradasının primadonnasının repertuarında 500-dən çox mahnı var. İllər ötməsinə baxmayaraq Alla Puqaçovanın “Milyon al qızılgül”, “Qədim saat”, “Aysberq” və digər mahnıları dillər əzbəridir.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.