DÜNYA


Almaniya parlamentinin yuxarı palatası məktəblərdə rəqəmsallaşdırma islahatını bəyənib

Berlin, 16 may, AZƏRTAC

Almaniyada məktəblərin rəqəmsallaşdırılması layihəsinin qanunvericiliklə rəsmiləşdirilməsi başa çatıb. AZƏRTAC xəbər verir ki, bu gün federal əyalətlər palatası – Bundesrat aşağı palatadan – Bundestaqdan nümunə götürərək, “Məktəb” adlanan layihəni bəyənib. Layihənin qəbul edilməsi üçün səs çoxluğunun tələb olunmasına baxmayaraq, Bundesrat deputatları ona yekdilliklə səs veriblər.

Hər iki palatada keçirilən səsvermə məktəblərin planşet, yüksək sürətli internet, əlavə avadanlıqla təchiz edilməsi üçün federal mərkəz tərəfindən əyalətlərə 5 milyard avro ayrılmasını mümkün edib. Rəqəmsallaşdırma haqqında qanunun qəbul edilməsi sayəsində Almaniya məktəblərində əlavə iş yerləri açılacaq, məsələn, sistem inzibatçısı vəzifəsi yaradılacaq.

 

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.