CƏMİYYƏT


Almaniya su qıtlığından əziyyət çəkir

Berlin, 10 avqust, AZƏRTAC

Azərbaycan son zamanlarda su təchizatı ilə bağlı müvəqqəti çətinliklərlə üzləşən yeganə ölkə deyil. Aşağı Saksoniyanın federal əyalətində içməli suyun çatışmaması əyalət orqanlarını sakinləri su istehlakını minimuma endirməyə çağırmağa məcbur edib. Burada su qıtlığı təxminən 40 min nəfəri əhatə edib. Dünənədək regionda sudan istifadə üçdə bir dəfəyədək azalıb.

AZƏRTAC xəbər verir ki, yerli yanğınsöndürmə stansiyalarının ərazisində texniki suyun təsərrüfat ehtiyacları üçün istifadəsi təşkil edilib.

Ekspertlər bunu region sakinlərinin son zamanlar sudan daha çox istifadə etmələri səbəbindən anbarlardakı su ehtiyatının kifayət etməməsi ilə izah edirlər. Təbii ki, suya tələbatın kəskin şəkildə artması havaların çox isti keçməsi və koronavirusa qarşı tətbiq olunan məhdudiyyətlərlə bağlıdır. Belə ki, adətən yay aylarında digər bölgələrə istirahətə gedən saksoniyalılar bu il yay tətilini evdə keçirməyə məcbur olublar. Bu da öz növbəsində, su istehlakının artmasına və anbarlardakı su ehtiyatının azalmasına gətirib çıxarıb.

Vügar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.