DÜNYA


Almaniya yanğın baş verən “Moriya” düşərgəsindən daha çox qaçqın qəbul edəcək

Berlin, 15 sentyabr, AZƏRTAC

Almaniya Yunanıstanın Lesbos adasında müvəqqəti yerləşdirilmiş qaçqınların böyük əksəriyyətini qəbul etməyə hazırdır.

AZƏRTAC xəbər verir ki, ölkənin federal hökuməti belə bir addım atmağa hazır olduğunu bəyan edib.

Angela Merkelin dəftərxanasında bildiriblər ki, yeni qaçqınların qəbulu barədə məsələ hakimiyyətin ən yüksək dairələrində öyrənilir. Bununla bağlı intensiv danışıqlar aparılır və yəqin ki, qaçqınların xeyrinə qərar qəbul ediləcək.

Eyni zamanda, AFR Daxili İşlər naziri Horst Zeyehofer artıq bildirib ki, onun ölkəsi böyüklərin müşayiəti olmadan 150-dək həddi-büluğa çatmayan uşağı qəbul edəcək. Söhbət məhz “Moriya” qaçqın düşərgəsində baş verən yanğın nəticəsində sığınacaqsız qalan, valideynlərini itirmiş uşaqlardan gedir.

Yunan adasında qaçqınların əksəriyyətinin acınacaqlı vəziyyəti daha əvvəl onlar üçün Türkiyədə yaradılan çox yaxşı şəraitlə ziddiyyət təşkil edir.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.