MƏDƏNİYYƏT


Almaniyada Azərbaycanın turizm potensialı təbliğ edilib

Bakı, 13 sentyabr, AZƏRTAC

Sentyabrın 10-12-də Azərbaycan Turizm Bürosu Almaniyanın Berlin, Hamburq və Frankfurt şəhərlərində silsilə tədbirlər keçirib.

Dövlət Turizm Agentliyindən AZƏRTAC-a bildirilib ki, tədbirlərdə iştirakçılar üçün Azərbaycanın turizmin müxtəlif istiqamətləri üzrə mövcud potensialı, turizm marşrutları, görməli yerləri, hotelləri, qədim memarlıq abidələri və milli mətbəxi barədə təqdimatlar keçirilib.

Silsilə tədbirlərdə turizm şirkətlərinin geniş məlumatlandırılması məqsədilə Azərbaycanın təbiətindən, turizm imkanlarından bəhs edən təbliğat filmləri nümayiş olunub.

Almaniyanın hər 3 şəhərindən olan 150-dən çox turoperator, turagentlik, o cümlədən digər turizm təşkilatları ilə Azərbaycan turizm sektorunu təmsil edən 7 şirkət arasında B2B (Biznesdən-biznesə) formatlı görüşlər keçirilib.

Görüşlərdə qarşılıqlı fikir mübadiləsi aparılıb və əməkdaşlıq perspektivləri qiymətləndirilib.

Silsilə tədbirlərin sonunda təsadüfi seçim prosesi ilə adları lotereya kağızında əks olunan iştirakçılara Azərbaycanın şərabçılıq ənənələrini əks etdirən mükafatlar təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.