Almaniyada Xocalı soyqırımından bəhs edən kitab və “Almanca-Azərbaycanca sözlük” nəşr edilmişdir

Bakı, 11 yanvar (AZƏRTAC). Almaniyada Xocalı soyqırımının 20-ci ildönümünə həsr olunmuş kitab nəşr olunmuşdur.

Diasporla İş üzrə Dövlət Komitəsindən AZƏRTAC-a bildirmişlər ki, 242 səhifəlik kitabın müəllifi Rolf Kunshdur.

Almaniyanın Maqdeburq şəhərində fəaliyyət göstərən Almaniyanın Zaxhsen-Anhalt vilayəti üzrə Alman-Azərbaycan Mədəniyyət Cəmiyyətinin təşəbbüsü ilə nəşr edilən kitabda Xocalı soyqırımı barədə ətraflı məlumat verilmiş, erməni vandallarının dinc azərbaycanlılara qarşı törətdiyi qətliam insanlığa qarşı cinayət kimi qiymətləndirilmişdir.

Berlində yaşayan həmyerlimiz, Alman-Azərbaycan Akademiklər Cəmiyyətinin sədri, professor Əhməd Umid Yazdaninin müəllifliyi ilə “Almanca-Azərbaycanca sözlük” də nəşr edilmişdir. Doqquz yüz səhifəlik, 45 mindən artıq söz və ifadədən ibarət sözlükdə Cənubi Azərbaycan türkcəsinin də qarşılığı göstərilmiş, nəşrə əlavə sözlər daxil olunmuşdur.