DÜNYA


Almaniyada antisemitizm əhval-ruhiyyəsi artmaqdadır

Berlin, 18 may, AZƏRTAC

Yaxın Şərqdəki vəziyyətin kəskinləşməsi Almaniyada antisemitizm əhval-ruhiyyəsinin güclənməsinə səbəb olub.

AZƏRTAC xəbər verir ki, Krefeld şəhərindəki yəhudi qəbiristanlığında naməlum şəxslər bir neçə məzar daşını dağıdıblar. Sındırılan iki məzar daşının üzərində təhqiredici sözlər yazılıb. Polis cinayətkarların qəbiristanlıq hasarının bir hissəsini dağıtması barədə məlumat yayıb. Hadisə ilə bağlı cinayət işi başlanıb.

Polis qəbiristanlığın ərazisində quraşdırılmış bütün videomüşahidə kameralarının qeydlərini yoxlayır. Xatırladaq ki, bu günlərdə ölkənin daxili işlər naziri antisemitizmə və digər ekstremist hərəkətlərə qarşı heç bir güzəştə getməyəcəyini bəyan etmişdi.

Vüqar Seyidov

AZƏRTAC-ın xüsusi müxbiri

Berlin 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.