DÜNYA


Almaniyada “xəbərdarlıq siqnalı”nın sınaqdan keçirilməsi uğursuz oldu

Berlin, 11 sentyabr, AZƏRTAC

Sentyabrın 10-da Almaniyada “xəbərdarlıq siqnalı”nın sınaqdan keçirilməsi planlaşdırılmışdı. Ölkə daxilində siqnalın sınanması qərarı təbii fəlakətlər, terror hücumları, ekstremist yürüşlər və ya təhlükəli maddələrin aşkarlanması halında əhalinin ümummilli siqnal sirenasına necə cavab verəcəyini yoxlamaq məqsədi daşıyırdı.

AZƏRTAC xəbər verir ki, test, indi məlum olduğu kimi, “uğursuz” nəticələnib. Bir çox şəhərdə sirena ümumiyyətlə yox idi və xəbərdaredici tətbiqlərdən smartfonlara gələn mesaj yarım saat gecikdi. Beləliklə, müəyyən edildi ki, ölkə əhalisi ya yaxınlaşan təhlükə barədə ümumiyyətlə xəbərdar olmayacaq idi, ya da böyük bir gecikmə ilə bu barədə məlumat əldə edəcəkdi.

Maraqlıdır ki, bir çox sirenalar “soyuq müharibə” başa çatdıqdan sonra söküldü və yeni səlahiyyətli orqanlar ümumiyyətlə bu barədə bilmirdi...

İndi aşkar edilmiş nöqsanları aradan qaldırmaq üçün görüləsi iş çoxdur.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.