Azərbaycan Dövlət İnformasiya Agentliyi

MƏDƏNİYYƏT

Almaniyanı kəşf edərkən: Hannover sürprizlərlə dolu şəhərdir

Bakı, 19 sentyabr, AZƏRTAC

Almaniya doqquz dövlətlə həmsərhəd olan 16 əyalətdən ibarət federativ respublikadır. Ölkənin müxtəlif bölgələrinin mədəniyyəti və təbii landşaftları bir-birindən xeyli fərqlənir. Bax bu səbəbdən Almaniyada səyahət etmək çox maraqlıdır. Biz Almaniya şəhərlərini sizə tanıtmağa davam edirik. Bu dəfə sizi Aşağı Saksoniya əyalətinin paytaxtı Hannoverə sürprizlərlə dolu turneyə dəvət edirik.

Hannoverdə keçirdiyimiz iki gün ərzində Avropada yeganə olan əyri liftlə Yeni Ratuşa binasının müşahidə meydançasına qalxaraq, oradan şəhərə açılan gözəl mənzərədən zövq aldıq, çəlləkdə dünyanın ən qocaman nar ağacının bitdiyi Kral bağlarında gəzişdik və Hannover zooparkı ərazisindəki süni çayda qayıq gəzintisinə çıxdıq. İndi isə Hannoverin bu və bir çox digər qeyri-adi görməli məkanları haqqında söhbətimizi sizə təqdim edirik.

Qırmızı xətt üzrə tarixə səyahət

Biz Almaniyaya uçmaq üçün Şərqi Avropanın ən iri loukost (münasib qiymətlərlə işləyən) aviaşirkətinin – “Wizz Air”in reyslərini seçdik. Bu şirkət 43 ölkədə, o cümlədən Azərbaycanda 142 istiqamət üzrə uçuşlar həyata keçirir və Budapeştdə rahat tranziti təmin edir. Bakı-Budapeşt-Hannover marşrutu ilə uçuşun ümumi müddəti təqribən 4,5 saat təşkil edir. Bakı-Budapeşt reysinə biletlərin qiyməti 44,99 avrodan, Budapeştdən Hannoverə isə 29,99 avrodan başlayır. Əlavə haqq müqabilində baqaj daşımaq, o cümlədən 32 kiloqrama qədər əlavə yük, 15 kiloqrama qədər əl yükü daşımaq, habelə təyyarənin içində yeməklə təmin olunmaq imkanı əldə etmək mümkündür. Yeri gəlmişkən, hər bir sərnişinin təyyarənin içinə pulsuz keçirə biləcəyi əl yükünün qabariti oktyabrın 29-dan artaraq təqribən 55x40x23 santimetrə çatacaq.

Hannover hava limanından şəhərin mərkəzinə qatarla 15-20 dəqiqəyə çatmaq olar. Qatara biletin qiyməti 3,4 avrodur. Biletlər perrondakı avtomatlarda satılır. Çətinlik hiss etsəniz, ətrafınızdakı adamlara müraciət edə bilərsiniz. Onlar məmnuniyyətlə sizə kömək edərlər. Almanlar çox qayğıkeş xalqdır. Yeri gəlmişkən, bu və ya digər qatara bileti elə Bakının özündə - bütün Avropa boyu dəmir yolu daşımalarını idarə edən “Rail Europe” şirkətinin satış üzrə baş agenti “SI Travel” şirkətinin ofisində ala bilərsiniz.

Hələ XIX əsrdə inşa edilmiş Hannover Mərkəzi Vağzalında özünü tarixin bir parçası hiss edirsən. Bu vağzal öz dövrü üçün ilk belə innovativ tikili olub. Hazırda iri dəmir yolu qovşağı olan Hannover vağzalından hər gün müxtəlif istiqamətlərdə 680-dən çox qatar yola düşür. Vağzalın binası qarşısında 1837-1851-ci illərdə hökmranlıq etmiş Hannover Kralı I Ernst Avqustun at belində məğrur heykəli ucalır. Bu abidə şəhər sakinlərinin sevimli görüş yeridir: onlar görüş təyin edərkən kralın atının quyruğunu nəzərdə tutaraq elə belə də deyirlər: “quyruğun altında görüşərik”. Vağzalyanı meydan da elə bu kralın adını daşıyır.

Otel axtarışına vaxt itirmədik: “Grand Hotel Mussmann” mehmanxanası mərkəzi vağzal binasının düz qarşısında yerləşir. Əşyalarımızı tələm-tələsik nömrədə qoyub, şəhərin görməli məkanlarını görməyə tələsdik. Müstəqil ekskursiyaları sevənlər üçün Hannoverdə “qırmızı xətt marşrutu” deyilən unikal fişka var. Asfalta çəkilən və 4 min kilometrdən çox uzanan qırmızı xətt şəhərin təqribən 40 memarlıq və tarixi obyektini əhatə edən əsas görməli məkanlara istiqamətləri göstərir. Marşrut Ernst-Avqust-Plats meydanında yerləşən Turizm İnformasiya Mərkəzinin binasının qarşısından start götürür. Mərkəzdə 3 avroya soraq kitabçası (o cümlədən rus və türk dillərində) ala bilərsiniz. Sistem çox sadə işləyir: qırmızı xətt üzrə hərəkət edərək, hər biri soraq kitabçasında ətraflı təsvir olunan bu və ya digər görməli məkanın yanından keçirsiniz. Yeri gəlmişkən, bizim şəxsi bələdçimiz olduğuna görə sərbəst marşrutla getmək qərarına gəldik.

Əyri lift və Maşzeye elegiyası

Hannoverin əsas piyada küçələrindən biri – Banxofştrasse (Bahnhofstraße), yaxud Dəmir yolu küçəsi düz vağzalyanı meydandan başlayır. Onu qeyri-adiliyi “ikimərtəbəli”, yəni sanki biri digərinin üstündə yerləşən 2 küçədən ibarət olmasındadır. Bu küçələrin hər birinin öz mağazaları və kafeləri var. Küçənin alt mərtəbəsi “Promenad Niki de Sen-Fall” adlanır. Qeyd edim ki, Hannover yeniliklərə açıq olan müasir şəhərdir. Yaradıcı insanlar buradan həmişə ruhlanıblar. Hannover küçələrində tez-tez avanqard heykəllərə və installyasiyalara təsadüf olunur. Şəhərdə fransız əsilli Amerika heykəltəraşı, pop-artın və yeni realizmin nümayəndəsi Niki de Sen-Fallın bir neçə əsəri qoyulub. Qeyd edək ki, mərkəzi pasaj da bu sənətkarın adını daşıyır. Nikinin heykəltəraşlıq əsərlərini tanımaq asandır. O, əsasən əlvan rənglərə boyanmış gözəl qadın fiqurları yaradıb. Hətta ötən əsrin 60-cı və 70-ci illərində qoyulmuş heykəllər də hazırda son dərəcə təravətli və ultramüasir görünür. 2000-ci ildə Niki de Sen-Falla Hannoverin fəxri vətəndaşı adı verilib. O isə 300 əsərini şəhərdəki Şprengel Muzeyinə vəsiyyət edib.

Banxofştrasse küçəsi sizi Kröpke meydanına gətirib çıxarır. Şəhərin magistral yollarının kəsişdiyi bu meydanda çox vaxt bayram yürüşləri, yaxud mitinqlər keçirilir. Küçənin alt mərtəbəsində, meydanın altında dünyanın ən iri şəhərlərinə qədər məsafəni göstərən “Küləklər toplusu”nu görmək olar. Meydanın özündə iki maraqlı görməli məkan yerləşir: tarixi Kröpke kafesi (meydan bu kafenin şərəfinə belə adlanır) və onun qarşısında qoyulmuş saat. Kröpkenin özü 1876-cı ildən bu kafenin sahibi olub və zaman keçdikcə onun adı şəhərin bu hissəsinin adına çevrilib. Kafenin qarşısındakı saat isə 1885-ci ildə qoyulub və o vaxtdan etibarən dəfələrlə yenilənib. Hazırda “kral atının quyruğu” kimi, bu məkan da hannoverlilər üçün populyar görüş yerlərindən biridir.

Alış-verişlə maraqlananlar üçün Kröpke meydanında iki iri ticarət mərkəzi yerləşir. Biz isə klassik üslubda inşa edilmiş Opera Teatrının binası qarşısından keçib “Kubus” Müasir İncəsənət Qalereyasına doğru gedirik. Qalereyanın 40 zalında dünya avanqard yaradıcılığının, demək olar, bütün aktual istiqamətləri təqdim edilib. Nəhayət, Hannoverin ən məşhur rəmzlərindən birinə - şəhər idarəsinin yerləşdiyi Yeni Ratuşa binasına yaxınlaşırıq. 1901-1913-cü illərdə inşa edilmiş bu bina daha çox neorenessans elementləri olan barokko üslubunda qəsri xatırladır. Maraqlıdır ki, tikilinin təməlini möhkəm etmək üçün bataqlıq əraziyə fıstıq ağacından 6026 dirək vurulub. Yeni Ratuşanın təntənəli açılışında imperator II Vilhelmin özü iştirak edib. Binanın fasadında o qədər maraqlı element, məsələn, knyazların, şəhərin əsasını qoyanların, dahilərin və nağıl personajlarının heykəlləri yerləşdirilib ki, onu kitab kimi nəzərdən keçirmək olar. İkinci mərtəbədəki pəncərələrin üstündəki daş frizdə doqquz kompozisiya şəklində şəhər tarixinin mühüm hadisələri təsvir edilib. Amma bu binaya şöhrət qazandıran başlıca xüsusiyyət onun günbəzinin altında yerləşən müşahidə meydançasıdır. Buradan şəhərə gözəl mənzərə açılır. Əgər Hannoverin bütün görməli yerlərinə baş çəkmək imkanınız yoxdursa, mütləq bura qalxmalısınız. Müşahidə meydançasından onların çoxu ovuc içi kimi görünür. Yeri gəlmişkən, müşahidə meydançasına Avropada yeganə “əyri”, yaxud maili olan unikal liftlə qalxırsınız. Bu lift 43 metr yüksəkliyə 17 dərəcə bucaq altında qalxır. Müəyyən məqamda ağırlıq qüvvəsi adamı liftin kabinəsinin arxa divarına sıxır: qeyri-adi hissdir.

Şəhərin mühüm obyektlərinin çoxu, məsələn, “Nord LB” Bankının qərargahı buradan aydın görünür. Bu, sanki ayrı-ayrı polad və şüşə bloklardan quraşdırılmış və bir-birinə borularla birləşdirilmiş nəhəng futuristik binadır. Yaxud XIV əsrə aid “Müqəddəs Egidiya kilsəsi” memorialı. Hannover tikililərinin çoxu kimi bu bina da İkinci Dünya müharibəsi zamanı bombardmanlar nəticəsində dağıdılıb və o vaxtdan bərpa edilməyib. Kilsənin xarabalıqları həmin faciəli hadisələrin xatirəsi kimi qorunub saxlanır. Onun boş divarları arasında “İtaət” abidəsi, habelə Yaponiyanın Xirosima şəhərinin hədiyyəsi olan və gündə 4 dəfə zəng çalan “Sülh zəngi” qoyulub.

Haradasa uzaqlarda “Hannover 96” futbol komandasının “Arena HDI” stadionunun ellipsi və “Şyuttsenplatts” Nişançılar Meydanı görünür. Yayda bu meydanda 10 gün ərzində nişançıların bayramı keçirilir. Amma süni Maşzeye gölünə açılan mənzərə adamı əməlli-başlı valeh edir. Uzunluğu 2,4 kilometr, eni təqribən 530 metr olan bu göl 1934-35-ci illərdə 78 hektar ərazidə yaradılıb. Sahil bağı bakılılar üçün nə deməkdirsə, Marşzeye gölü də Hannoverin sakinləri və qonaqları üçün bir o qədər əvəzolunmaz məkandır. Burada çimmək, katerlərdə və kirayə edilən qayıqlarda gəzintiyə çıxmaq olar. Gölün ətrafındakı yaşıllıqlar boyunca 6,2 kilometr qaçış yolu uzanır. Vaxtınız qalsa, mütləq Maşzeye gölünə gedin ki, insanın ruhunu dincəldən bu gözəlliyə tamaşa edə biləsiniz.

Qrimm qardaşları, Kral bağları və gələcəyin zooparkı

Köhnə şəhərə gedib tarixin nəfəsini duymasanız, Hannoverdə gəzintiniz natamam olacaq. Fasadları taxta tirlərlə möhkəmləndirilən faxverk evlər məhz burada yerləşir. Ən maraqlısı budur ki, həmin evlər bura müharibədən sonra müxtəlif küçələrdən gətirilib: yəni, səliqə ilə sökülüb və yenidən quraşdırılıb. Elə buradaca yerləşən kilsə və köhnə ratuşa binası isə Şimali Almaniya qotikasının ən cənub nümunələridir. Balxofplats adlanan xudmani meydanın bir neçə metrliyində Lyayneufer sahil küçəsi yerləşir. Burada hər şənbə günü Almaniyada işlənmiş əşyaların satıldığı ən qədim bazar açılır. İnanın ki, bu bazara getməyə dəyər. Xüsusən də əgər əntiq malları sevirsinizsə.

Köhnə şəhərdə gəzişərkən italyan heykəltəraş Florian Bodininin “Höttingenli yeddi nəfər” adlı maraqlı heykəltəraşlıq kompozisiyasını görəcəksiniz. Onun süjeti Aşağı Saksoniyanın Höttingen şəhərindən olan 7 professorun əhvalatından qaynaqlanır. Bu professorlar 1837-ci ildə Hannover Krallığının konstitusiyasının ləğv edilməsinə qarşı etiraz etdiklərinə görə istefaya göndəriliblər və hətta at belində heykəli vağzal binası qarşısında ucalan həmin kralın əmri ilə ölkədən sürgün olunublar. Yeri gəlmişkən, bu yeddi professorun ikisi məşhur germanist – nağılları dünyanın bütün uşaqlarına yaxşı tanış olan Vilhelm və Yakob Qrimm qardaşları olub.

Hannoverin mərkəzi ilə tanış olandan sonra şəhərin əsas incisi sayılan və 300 ildən çoxdur hamını öz gözəlliyi ilə valeh edən Kral bağlarına yola düşürük. Barokko üslubunda yaradılan və Avropanın ən mükəmməl bağ-park ansamblarından biri olan Herrenhauzen kompleksi indiki görkəmini 1696-1714-cü illərdə alıb. Kurfürstina (knyaginya) Hannoverli Sofiya onun inkişafına böyük töhfə verib, kompleksin Versal bağlarına uyğun formalaşmasında şəxsən iştirak edib. Kompleksin mərkəzində heykəllər və çiçək ləkləri ilə bəzənmiş, məharətlə budanmış şümşad ağacları ilə dövrələnmiş Böyük bağ yerləşir. Hündürlüyü 82 metr olan Avropada ən iri fəvvarə və qızıl suyuna çəkilmiş heykəllərlə bəzədilmiş, Almaniyada açıq səma altında ilk teatr səhnəsi Harten Teatrı da Herrenhauzendədir. Elə indinin özündə kompleksdə müntəzəm olaraq açıq səma altında müxtəlif tamaşalar oynanılır, incəsənət festivalları keçirilir. Kompleksin şimal-qərb hissəsində 1676-cı ildə yaradılmış qədim kaha qonaqlarda xüsusi maraq doğurur. Bayaq adını çəkdiyimiz rəssam və heykəltəraş Niki de Sen-Fall 2001-2003-cü illərdə kahaya orijinal tərtibat verib. Nəhayət, Herrenhauzen kompleksinə aidiyyəti olan Nəbatat bağına gedib səhləb çiçəklərindən, kaktuslardan və nadir tropik bitkilərdən ibarət möhtəşəm kolleksiya ilə tanış ola bilərsiniz. Çəlləkdə bitən ən qədim bitki də məhz buradadır. Çəlləyin üstündəki yazıda deyilir ki, burada bitən nar ağacı Herrenhauzenə 1653-cü ildə Venesiyadan gətirilib.

Bağ sənətinin gözəlliyindən doyunca zövq alandan sonra marşrutumuzun növbəti məntəqəsinə - Avropanın ən qeyri-adi heyvanxanalarından biri olan, yeri gələndə gələcəyin zooparkı adlandırılan Hannover zooparkına üz tuturuq. Zooparkda 3 min heyvan xüsusi dizaynlı 7 tematik zonada saxlanılır. Burada təbiətə maksimum yaxın olan şəraitdə saxlanılan zürafələri, şirləri, qorillaları, şimpanzeləri, begemotları, kenquruları və digər heyvanları görmək olar. Yeri gəlmişkən, hər bir zonanın kiçik arenası var. Bu arenalarda gündə bir neçə dəfə müxtəlif heyvanların, o cümlədən dəniz heyvanlarının iştirakı ilə şoular keçirilir. Zooparkdakı heyvanların yemək mərasimi əsl tamaşadır. “Zambezi” adlanan süni çay parkın daha bir maraqlı xüsusiyyətidir. Burada qayıq gəzintisinə çıxmaq olar. Bu göl bizdə çox güclü təəssürat oyatdı. Təsəvvür edin ki, heyvanlara tamaşa edə-edə volyerlərin yanından üzüb keçirsən. İndiyədək belə bir şey görməmişdik.

Son söz yerinə

Hannoverdə keçirdiyimiz 2 gün ərzində onun bütün maraqlı məkanlarını görmək mümkün deyildi. Biz isə irimiqyaslı sərgilərin keçirildiyi dünyanın ən iri sərgi mərkəzinə, 5 min pəncərəli ev adlandırılan, bəşəriyyətin mədəniyyət tarixini əks etdirən eksponatların nümayiş etdirildiyi Kestner Muzeyinə getmək, Hannover akvariumunda bütün gözəlliyi ilə təqdim edilən sualtı dünyanın al-əlvan həyatını müşahidə etmək istəyirdik. Əfsuslar olsun ki, həmişə olduğu kimi, vaxtımız çatmadı. Əvəzində Hannoverə qayıtmaq üçün gözəl səbəbimiz var. İndi isə növbəti şəhərə - Bavariyanın paytaxtı Münxenə yola düşməliyik. İnanırıq ki, Münxendə də bizi maraqlı macəralar gözləyir! Bizi izləyin!

Emil Eyyubov

Fotolar E.İbrahimindir

Xəbəri sosial şəbəkələrdə paylaşın

Bizi sosial şəbəkələrdə izləyin

Anaklia limanının dəniz infrastrukturunun tikintisi üçün beynəlxalq tender elan edilib

Süni intellekt və lazer əsaslı sensorla mədədəki xəstəliklər müəyyən ediləcək

Braziliyada hiss edilən temperatur 62 dərəcə Selsini keçib

Yaponiyada yaşlı insanlar əməyə cəlb edilir

İraq neft ixracını azaldacaq

Ümumdünya Buxara Yəhudiləri Konqresinin nümayəndə heyəti Qırmızı qəsəbəyə səfər edib

Budapeştdə biznes forumda Azərbaycandakı investisiya imkanlarından danışılıb

Gürcüstanın Təhsil və Elm Nazirliyinin Marneuli İctimai Kollecində təntənəli Novruz şənliyi keçirilib

Azərbaycanın Qırğızıstandakı səfirliyində Novruz bayramı qeyd edilib

Bu gün Torpaq çərşənbəsidir

Şabranda minik avtomobilləri toqquşub, yaralananlar var

“Robotexnika Klubu”nun üzvləri Türkiyədə keçiriləcək “Texnofest”ə layihə təqdim ediblər

Kəngərli rayonunun yaradılmasının 20 illiyi qeyd olunub

Türkiyə və Rusiya prezidentləri arasında telefon danışığı olub

Dövlət Komitəsində Yaponiyada yaşayan azərbaycanlı pianoçu ilə görüş olub

Amur vilayətindəki filiz mədənində qəza baş verib, dağıntılar altında qalanlar var

Media əməkdaşları arasında atıcılıq yarışının qalibləri bəlli olub

Türkiyə Prezidenti: Bu yay İraq sərhədimizin təhlükəsizliyini tam təmin edəcəyik

Naxçıvan ŞİH: Möminə Xatun türbəsinin ətrafındakı tikili ilə bağlı yayılanlar həqiqəti əks etdirmir

Azərbaycanın güləş millisi “Çempionlar” turnirini 10 medalla başa vurub

YAP Səbail rayon təşkilatında Novruz bayramı qeyd edilib

Nigeriyada daha yüz adam oğurlanıb

Azərbaycan-İraq əlaqələrinin inkişaf perspektivləri müzakirə olunub

Bakı Ali Neft Məktəbində “Huawei” şirkətinin laboratoriyası fəaliyyətə başlayıb

Nazirlik: Hərbi hissələrdə bayram tədbirləri qapalı şəraitdə keçirilir

Azərbaycan atıcıları Almaniyada qızıl medal qazanıblar

Bakı Dövlət Universitetində Novruz şənliyi

Yens Stoltenberq: NATO ilə Azərbaycan arasında əməkdaşlıq üçün yeni çərçivə sənədinin razılaşdırılması üzərində iş aparırıq VİDEO

Beynəlxalq mətbuat Azərbaycan Prezidentinin NATO-nun Baş katibi ilə görüşündən yazır

“Ailəm könüllüləri” proqramının könüllüləri mükafatlandırılıb

Nobel sülh mükafatı laureatı Məhəmməd Yunus BAMF-da olub

Azərbaycan icması Böyük Britaniya Parlamentinə etiraz məktubu göndərib

Müdafiə naziri Novruz bayramı münasibətilə Azərbaycan Ordusunun şəxsi heyətini təbrik edib

Unudulmaz bəstəkar Şəfiqə Axundovanın 100 illik yubileyi qeyd olunub

Hikmət Hacıyev: Azərbaycan ilə Çin arasında ənənəvi dostluq və tərəfdaşlıq münasibətləri var VİDEO

Xüsusi təyinatlı təhsil müəssisələrində Çanaqqala zəfərinin 109-cu ildönümü qeyd edilib VİDEO

Ağdamda Bahar bayramı şənliyi keçirilib

Bakının Dəmir yolu vağzalında keçirilən oftalmoloji aksiya zamanı 120 nəfər müayinə olunub 

Monitorinq Mərkəzi Almaniyada “Avropada dilimizin bu günü və sabahı” adlı tədbir keçirib

M.F.Axundzadənin “Müsyö Jordan və dərviş Məstəli şah” əsəri İstanbulda səhnələşdiriləcək

Dövlət qulluğunda inzibati icraçı vəzifələr üzrə test imtahanına qeydiyyat elan edilib

Azərbaycan səfiri Çanaqqala Zəfərinin 109-cu ildönümü münasibətilə təşkil olunan tədbirdə iştirak edib

İsveçrənin ölkəmizdəki səfiri ilə COP29 ətrafında fikir mübadiləsi aparılıb

Avropa dövlətləri Şimal-Cənub Beynəlxalq Nəqliyyat Dəhlizinin dəmir yolu hissəsinin işə salınmasında maraqlıdırlar

Milli Kitabxanada “Tale şairi: Məmməd İsmayıl” adlı kitabın təqdimat mərasimi olub

® “Beyin ölümü diaqnozunun təyininə multidisiplinar yanaşma” mövzusunda seminar keçiriləcək

Azərbaycan Respublikası Nazirlər Kabinetinin 2019-cu il 25 dekabr tarixli 503 nömrəli Qərarı ilə təsdiq edilmiş “Dərman vasitələrinin farmakonəzarət Qaydası”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Xocavəndlilər baharın gəlişini yüksək əhvali-ruhiyyə ilə qeyd edirlər

“Beynəlxalq Münasibətlərin Təhlili Mərkəzinin işçilərinin say həddinin təsdiq edilməsi və əməkhaqqı fondunun müəyyən edilməsi haqqında” Azərbaycan Respublikası Nazirlər Kabinetinin 2019-cu il 15 iyul tarixli 309 nömrəli Qərarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

QAÇQINKOM-un sədri Siyəzəndə vətəndaşların müraciətlərini dinləyib

Bakı Kitab Mərkəzi xüsusi qayğıya ehtiyacı olan uşaqlar üçün Novruz şənliyi təşkil edib

“İnternet informasiya ehtiyatı vasitəsilə elektron ticarəti həyata keçirən qeyri-rezidentin elektron qaydada vergi uçotuna alınması, yenidən uçota alınması və uçotdan çıxarılması Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2023-cü il 30 oktyabr tarixli 387 nömrəli Qərarında dəyişiklik edilməsi barədə
Azərbaycan Respublikası Nazirlər Kabinetinin QƏRARI

Daha bir neçə müntəzəm avtobus marşrutu müsabiqəyə çıxarılır

“Müntəzəm beynəlxalq, şəhərlərarası (rayonlararası) və şəhərdaxili (rayondaxili) sərnişin daşımalarının yerinə yetirilməsi ilə bağlı sifarişçinin keçirdiyi müsabiqədə iştiraka görə ödənişin məbləği”nin təsdiq edilməsi haqqında
Azərbaycan Respublikası Nazirlər Kabinetinin QƏRARI

“Azərbaycan Respublikası Nazirlər Kabinetinin 1998-ci il 21 avqust tarixli 175 nömrəli Qərarı ilə təsdiq edilmiş “Azərbaycan Respublikasında telekommunikasiya vasitələri və qurğularının sertifikatlaşdırılması Qaydaları”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

Beynəlxalq müsabiqədə qalib gələn tələbələrə diplomlar təqdim edilib

Azərbaycan Respublikası Nazirlər Kabinetinin 2021-ci il 10 sentyabr tarixli 256 nömrəli Qərarı ilə təsdiq edilmiş “Azərbaycan Respublikasının dövlət sərhədindən buraxılış məntəqələrinin sayı və yerləşdiyi ərazilərin siyahısı”nda dəyişiklik edilməsi haqqında
Azərbaycan Respublikası Nazirlər Kabinetinin QƏRARI

UNEC kollektivi bu il də Novruz bayramını ahıl sakinlərlə qeyd etdi

Hakim partiyaların fəal dialoqu Azərbaycan-Çin münasibətlərinin inkişafına böyük töhfələr verir

“Daşkəsən rayonunda kartofçuluq təsərrüfatının inkişafına dəstək” layihəsinin icrasına başlanılıb

Azərbaycanda “Elektron kommunikasiya haqqında” qanun layihəsi hazırlanır

Abşeronda Novruz bayramı böyük izdihamla qeyd olunub

MEK Özbəkistanda türkdilli xalqlara həsr edilmiş beynəlxalq konfransda təmsil olunub

“Həvəsləndirmə və Biznes mükafatları” müsabiqəsi barədə məlumatlandırma görüşü keçirilib

Şəhid övladı Novruz tonqalını alovlandırdı

COP29 və elmi-texniki tərəqqi

Özbəkistan istehsal etdiyi yaşıl enerjini Azərbaycan üzərindən ixrac edəcək

Abşeronda Çanaqqala Zəfərinin 109–cu ildönümü qeyd olunub

Yens Stoltenberqin Bakı səfəri NATO-Azərbaycan münasibətlərinə töhfə verəcək – AÇIQLAMA

Qubada qaçış marafonunun qalibləri mükafatlandırılıb

Azərbaycan Kanoe və Avarçəkmə Federasiyası COP29-a dəstək xarakterli təmizlik aksiyası keçirib

ANAMA: Ötən həftə 202 partlamamış hərbi sursat zərərsizləşdirilib

“İnformasiya müharibəsində qələbə-Müzəffər Ali Baş Komandan cənab İlham Əliyev” adlı kitabın təqdimatı olub VİDEO

Mirzə Uluqbəy adına Füzuli şəhər tam orta məktəbdə Novruz şənliyi

Gəncədə görmə əlilliyi olan 18 yaşına çatmayan uşaqlar üçün Novruz şənliyi keçirilib

“Sumqayıt”ın legioneri: Mövsümü ikinci yerdə bitirə bilərik

Bakı hava limanı ərazisi Novruz dekorları ilə bəzədilib

Paytaxtda ödəmə terminalı və avtomobillərdən oğurluq edən şəxs saxlanılıb VİDEO

Lənkəranda yeni penitensiar kompleks cəzaçəkmə müəssisələrində sıxlığı aradan qaldırmağa xidmət edir

Bu günədək 31 mindən çox tələbə təhsil krediti alıb

Sosial Xidmətlər Agentliyi ilə Penitensiar xidmət məhkumların cəmiyyətə inteqrasiyası ilə əlaqədar əməkdaşlıq edəcəklər

“Türk sivilizasiyasının dirçəlişi” beynəlxalq elmi konfransı işə başlayıb

Naxçıvan Qida Təhlükəsizliyi İnstitutu yaradılıb

Baş konsul: Türkiyə hər zaman Azərbaycanın yanındadır

Misirdə 2500 il əvvələ aid “Zəbur” kitabı nümayiş etdirilir

Şəhid ailələri və müharibə ilə əlaqədar əlilliyi olan şəxslərə bu il daha 1500 mənzil və fərdi ev veriləcək

ADAU-da "Qadının cəmiyyətdəki rolu" mövzusunda forum keçirilib

Yeni Azərbaycan Partiyasının İdarə Heyətinin iclası keçirilib

Ukrayna hökuməti PUA alınmasına 130 milyon dollar ayırıb

"Qlobal Təkrar Emal Günü”ndə “Təmiz Şəhər” ASC-nin təsərrüfat sahələrinə məlumat turu təşkil olunub VİDEO

Rusiyada səsvermə protokollarının 100 faizi hesablanıb

Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib

Paytaxtın abad məhəllələrində Novruz şənliyi

AzMİU-nun əcnəbi tələbələrinin Novruz sevinci

Masallıda noxud əkini sahəsi iki dəfə artıb VİDEO

® “Coca-Cola” “2030 Su Təhlükəsizlik Strategiyası”nı təqdim edib

NATO-nun Baş katibi Gürcüstanın Baş naziri ilə görüşüb

Samuxda 2000 ağac və 1000 ədəd gül kolu əkilib

Azərbaycanın hər bir çağırışı uğurlu gələcəyə böyük stimuldur - ŞƏRH

Mehriban İmanova: Azərbaycanın COP29-a ev sahibliyi etməsi ölkəmizin dünyada artan nüfuzunun parlaq ifadəsidir