DÜNYA


Almaniyanın Halle şəhərində naməlum şəxslər insanlara atəş açıb

Bakı, 9 oktyabr, AZƏRTAC

Almaniyanın Halle şəhərində naməlum şəxslərin insanları atəşə tutması nəticəsində iki nəfər həlak olub.

AZƏRTAC “Bild” nəşrinə istinadla xəbər verir ki, şəhər polisinin məlumatına əsasən, hücumu ən azı iki nəfər həyata keçirib, onlardan biri saxlanılıb.

Hazırda hadisənin baş verdiyi əraziyə çox sayda polis qüvvəsi cəlb olunub. Əhaliyə evdən çıxmamaq tövsiyə edilib.

İnsidentin sinaqoq yaxınlığında baş verdiyi, həmçinin yəhudi qəbiristanlığının ərazisinə qumbara atıldığı bildirilir. Hadisə yəhudi dininin əsas bayramlarından biri “Yom Kipur” günündə qeydə alınıb.

Hücum barədə məlumatlardan sonra “Deutsche Bahn” konserni Halle şəhərinin mərkəzi vağzalını bağlayıb və şəhərə gələn qatarlar Leypsiq vağzalına göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.