DÜNYA


Almaniyanın iqlim hədəfinə yenidən baxıla bilər

Berlin, 3 may, AZƏRTAC

Bu həftənin sonuna qədər Almaniyanın Ətraf Mühit Nazirliyi “İqlimin mühafizəsi haqqında” Qanuna düzəliş layihəsini Bundestaqa təqdim etməyi planlaşdırır.

AZƏRTAC xəbər verir ki, nazirliyin təklifi atmosferə istixana qazı tullantılarının daha da azaldılması ilə bağlı iddialı hədəfi ehtiva edəcək.

Sənədin müəllifləri 1990-cı illə müqayisədə 2030-cu ildə karbon-dioksid tullantılarının 55 faiz azaldılması ilə bağlı əvvəlki planla razı olmadıqlarını bildiməyi planlaşdırırlar. Onların planlarına görə, 62 faizlə 68 faiz arasındakı yeni hədəfə nail olmaq tamamilə mümkündür.

“Biz iqtisadiyyatı dayandırmaq yox, əsaslı şəkildə yenidən qurmaq və müasirləşdirmək istəyirik. Bunun üçün biz bu rəqəmləri diqqətlə öyrənib yeni şərtlərə uyğunlaşdıracağıq”, - deyə ətraf mühit naziri Şultse bildirib.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.