DÜNYA


Almanlar miqrantları qəbul etməyə hazırdırlar

Berlin, 10 sentyabr, AZƏRTAC

Sentyabrın 9-da Yunanıstanın Lesbos adasında miqrantlar üçün Moriya düşərgəsində güclü yanğın baş verib. Həqiqətdə 13 minə yaxın qaçqın statusu almaq istəyən şəxsin yaşadığı bu düşərgədə rəsmən dörd dəfə az sakin qeydə alınıb.

AZƏRTAC xəbər verir ki, yanğından əvvəl bir neçə miqrantın COVID-19 testinə reaksiyası müsbət olduğuna görə hakimiyyət orqanları bu insanları ayrıca binada yerləşdirməyə çalışırmış. Bu iki hadisənin eyni vaxtda baş verməsi təsadüfdürmü? Bunu təhqiqat aydınlaşdıracaq.

Lakin təzəcə alınmış məlumata görə, Almaniyanın bir sıra şəhərlərində federal hökumətin Moriya düşərgəsindən olan bütün qaçqınları qəbul etməsi tələbi ilə mitinqlər keçirilib. Polisin məlumatına görə, paytaxtda keçirilən mitinqlərə gələnlərin sayı 3 minə yaxın, Hamburqda 1200, Münhendə 500, Frankfurtda isə 300 nəfər olub. Nümayişçilərin əllərində “Bizdə yer var”, “Avropa İttifaqına ar olsun” sözləri yazılmış plakatlar olub.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.