ELM VƏ TƏHSİL


Almatıda türk dünyasının tədqiqatlarına həsr edilmiş beynəlxalq simpozium keçirilib

Almatı, 12 oktyabr, AZƏRTAC

Qazaxıstan Dövlət Qadın Pedaqoji Universitetinin təşəbbüsü ilə Almatıda türk dünyasının tədqiqatlarına həsr edilmiş beynəlxalq simpozium keçirilib. Tədbir Türkiyə, Azərbaycan, Qazaxıstan, Qırğızıstan, Tatarıstan və Başqırdıstandan 300-dən çox alim və eksperti bir araya gətirib.

AZƏRTAC xəbər verir ki, simpoziumun keçirilməsində məqsəd türk xalqlarının əməkdaşlığının gücləndirilməsi, dünyada sülhün və əmin-amanlığın təmin edilməsidir.

Simpoziumda “Rəqabət qabiliyyətli mütəxəssis-filoloqların hazırlanmasında Qazaxıstan və dünya təcrübəsi”, “Şüurun müasirləşdirilməsi: ədəbiyyat vasitəsilə milli şüurun təkmilləşdirilməsi”, “Qlobal təhsil sistemi: sosial-humanitar fənlərin yeni tədrisi metodikası”, “Latın qrafikası: tarix, nəzəriyyə və tədris metodikası”, “Türk birliyi: tarix və mədəniyyət”, “Milli və müasir təhsilin inkişafında beynəlxalq tendensiyalar” və “Türkdilli dövlətlərdə gender təhsilinin aktual məsələləri” mövzularında müzakirələr aparılıb.

Tədbirdə Bolonya Prosesi Mərkəzinin direktoru Almagul Kultumanova, Beynəlxalq Türk Akademiyasının eksperti Elmira Kaljanova, Türkiyənin Qazaxıstandakı vitse-konsulu Altay Alper, Türkiyə Universitetinin rektoru Niyde Ömər Halisdemir, professor Muhsin Kar, Bakı Avrasiya Universitetinin rektoru, professor Nazim Hüseynli, Türk Xalqları Mədəniyyəti Fondunun prezidenti, “Türk dünyası” qəzetinin baş redaktoru Ahmet Dagduran, universitetlərin, araşdırma mərkəzlərinin nümayəndələri iştirak ediblər.

Tədbirdə Qazaxıstan prezidentinin təşəbbüsü ilə “Türk dünyasının 100 adamı” və “Türk dünyasının müqəddəs torpaqları” xüsusi layihələri üzrə beynəlxalq səviyyədə tədqiqat aparılması geniş müzakirə olunub.

İlahə Əhmədova

AZƏRTAC-ın xüsusi müxbiri

Almatı

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.