Əmanətlərin 60,4 faizi milli, 39,6 faizi xarici valyutada qoyulub

Bakı, 20 iyun, AZƏRTAC

Mərkəzi Bankın məlumatına görə, əhalinin banklardakı əmanətlərinin məbləği il ərzində 25,9 faiz artaraq 2022-ci il mayın 1-nə milli valyuta ekvivalentində 10515,4 milyon manat təşkil edib.

Dövlət Statistika Komitəsindən AZƏRTAC-a bildirilib ki, əmanətlərin 60,4 faizi milli, 39,6 faizi xarici valyutada qoyulub, milli valyutada olan əmanətlərin məbləği əvvəlki ilin eyni dövrü ilə müqayisədə 48,1 faiz, xarici valyutada qoyulmuş əmanətlərin məbləği isə 2,5 faiz artıb. May ayında milli valyutanın 1 ABŞ dollarına nisbətdə orta məzənnəsi 1,70 (ilin əvvəlindən 1,70) manata, 1 avroya 1,80 (1,87) manata, 100 türk lirəsinə 10,94 (11,85) manata, 100 rus rubluna 2,63 (2,14) manata bərabər olub.