Əmanətlərin Sığortalanması Fonduna üzv bankların reyestrində dəyişiklik edilib

Bakı, 24 may, AZƏRTAC

Əmanətlərin Sığortalanması Fonduna üzv bankların reyestrində dəyişiklik edilib.

Fonddan AZƏRTAC-a bildirilib ki, qurumun Himayəçilik Şurasının qərarına əsasən, 2007-ci il oktyabrın 25-də 35 nömrəli reyestr nömrəsi ilə Fonda üzv olan “Günay Bank” ASC "Əmanətlərin sığortalanması haqqında" Azərbaycan Respublikası Qanununun 22.3.1-ci maddəsinə uyğun olaraq Əmanətlərin Sığortalanması Fonduna üzv bankların reyestrindən çıxarılıb və banka verilmiş şəhadətnamə ləğv edilib.

Qeyd edək ki, Azərbaycan Respublikası Mərkəzi Bankının İdarə Heyətinin 2023-cü il 16 may tarixli Qərarı ilə məcmu kapitalının miqdarının banklar üçün müəyyən edilmiş minimum miqdarından az olduğuna, məcmu kapitalının adekvatlıq əmsalının 3 faizdən az olmasına, habelə cari fəaliyyətini etibarlı və prudensial qaydada həyata keçirmədiyinə görə “Banklar haqqında” Azərbaycan Respublikası Qanununun 16.1.6-cı, 16.1.7-ci, 16.1.9-cu və 61.1-ci maddələrinə əsasən, “Günay Bank” ASC-nin lisenziyası 2023-cü il mayın 17-dən etibarən ləğv olunub və Bakı Apellyasiya Məhkəməsinin 2023-cü il 18 may tarixli 2-3(103)-42/2023 saylı qərarı ilə “Günay Bank” ASC müflis elan edilib və barəsində iflas proseduruna başlanılıb.

Əmanətlərin Sığortalanması Fondu "Əmanətlərin sığortalanması haqqında" Azərbaycan Respublikası Qanununun 30.1-ci maddəsinə əsasən iştirakçı bankların 2023-cü il mayın 24-nə tarixinə olan reyestrini ictimaiyyətin diqqətinə çatdırır: