DÜNYA


“Amazon”un yaradıcısı iqlim dəyişikliyinə qarşı mübarizə üçün 10 milyard dollar ayırır

Bakı, 18 fevral, AZƏRTAC

Amerikalı milyarder, “Amazon” şirkətinin rəhbəri və yaradıcısı Ceff Bezos iqlim dəyişikliyinə qarşı mübarizə üçün “Yer fondu”nun yaradıldığını elan edib. O, İnstaqram səhifəsində fondun fəaliyyətinə 10 milyard dollar ayıracağını yazıb. Qeyd edib ki, qrant bu yaydan ayrılacaq. Yer kürəsi bizi bir araya gətirən yeganə məkandır. Gəlin onu bir yerdə qoruyaq.

Milyarder deyib ki, alimlərin, ekofəalların, qeyri-hökumət təşkilatlarının ətraf mühitin qorunub saxlanmasına yönələn fəaliyyəti bu təşəbbüs çərçivəsində maliyyələşəcək. İqlim dəyişikliyi planetimiz üçün ən böyük təhlükədir. Əgər iri və kiçik şirkətlər, dövlətlər, beynəlxalq təşkilatlar, sadə insanlar bir yerdə işləsələr, biz Yeri xilas edə bilərik.

“Bloomberg” agentliyinin məlumatına görə, Ceff Bezosun sərvəti təxminən 130 milyard dəyərindədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.