MƏDƏNİYYƏT


Əməkdar Rəssam Əşrəf Heybətovun Berlində açılacaq sərgisi qadınlara həsr olunub

Bakı, 18 avqust, AZƏRTAC

Bu gün Berlində Əməkdar Rəssam Əşrəf Heybətovun sərgisi açılacaq. “Tənha qadın üçün gül” adlanan sərgidə qadın obrazlarını əks etdirən rəngkarlıq və qrafika əsərləri yer alıb.

AZƏRTAC xəbər verir ki, avqustun axırınadək davam edəcək sərgidə rəssamın 85 əsəri nümayiş olunacaq.

Qeyd edək ki, Əşrəf Heybətov 1991-ci ildən UNESCO Rəssamlar Federasiyasının üzvü, Avropada Azərbaycan Mədəniyyət Xadimləri Assosiasiyasının sədri, Azərbaycan Rəssamlar İttifaqının fəxri üzvü, "Dünya xalqları incəsənəti” Beynəlxalq Assosiasiyasının mükafatı laureatıdır. Bundan başqa, fırça ustası Rusiya Federasiyası Rəssamlar İttifaqının, Qərbi Avropa Elm və Mədəniyyət Akademiyasının üzvüdür. O, “Azərbaycan-Almaniya” Dostluq Cəmiyyətinin idarə heyətində də təmsil olunur. Hazırda Almaniyada yaşayan rəssam “Bakı” Mədəniyyət Cəmiyyətinin sədridir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.