MƏDƏNİYYƏT


Əməkdar artist Hamlet Qurbanovun xatirəsi yad olunub

Bakı, 3 dekabr, AZƏRTAC

Dekabrın 3-də Azərbaycan Teatr Xadimləri İttifaqında milli teatr və kino sənətinin görkəmli nümayəndəsi, Xalq artisti Gülxar Həsənovanın anadan olmasının 100, Əməkdar artist Hamlet Qurbanovun 80 illik yubileylərinə həsr edilmiş xatirə tədbiri keçirilib.

AZƏRTAC xəbər verir ki, tədbir Mədəniyyət Nazirliyinin, Azərbaycan Teatr Xadimləri İttifaqının və Akademik Milli Dram Teatrının təşkilatçılığı ilə reallaşıb.

Görkəmli sənət adamlarının, ziyalıların və sənətkarın doğmalarının qatıldıqları tədbirin iştirakçıları əvvəlcə Gülxar Həsənovanın və Hamlet Qurbanovun yaradıcılıq yoluna həsr edilmiş fotosərgi ilə tanış olublar.

Xalq artistləri Hacı İsmayılov, İlham Namiq Kamal, Ağakişi Kazımov, Ramiz Həsənoğlu, Əməkdar incəsənət xadimi Aydın Kazımzadə və başqaları tədbirdə çıxış edərək sənətkarların həyat və yaradıcılığından söz açıb, mədəniyyətimizin inkişafındakı xidmətlərindən danışıblar.

Tədbirdə G.Həsənovanın və H.Qurbanovun ifa etdikləri tamaşa və filmlərdən videogörüntülər nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.