İDMAN


Amerikalı velosipedçi dopinq qəbul etdiyinə görə ömürlük idmandan kənarlaşdırılıb

Bakı, 12 avqust, AZƏRTAC

ABŞ Antidopinq Agentliyi (USADA) velosipedçi Cekson Neşi antidopinq qaydalarını pozduğuna görə ömürlük idmandan uzaqlaşdırıb.

AZƏRTAC xəbər verir ki, bu barədə qurumun mətbuat xidməti məlumat yayıb.

2021-ci ildə USADA Neşin yeddi antidopinq qayda pozuntusunu, o cümlədən qadağan olunmuş maddələrin - testosteron, klenbuterol, oxandrolon və anastrozolun istifadəsini göstərən sübutlarla bağlı araşdırmaya başlayıb. Məlum olub ki, Neş qadağan olunmuş maddələri satıb və ya satmağa cəhd edib, həmçinin digər idmançıları onlardan istifadə etməyə razı salıb.

Neşin ömürlük qadağası 2022-ci il iyunun 30-dan, ona cəzanın verildiyi gündən qüvvədədir. Bundan əlavə, 2021-ci il dekabrın 15-dən etibarən onun iştirak etdiyi yarışlarda nəticələri ləğv ediləcək. Velosipedçi bu müddət ərzində qazandığı medalları və pul mükafatlarını qaytarmalı olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.