SİYASƏT
“Amerikanın səsi”nin erməni xidmətinin saytından Dağlıq Qarabağ haqqında qərəzli videoreportaj yığışdırılıb
Vaşinqton, 30 oktyabr, AZƏRTAC
“Amerikanın səsi”nin erməni xidmətinin saytından Azərbaycan Respublikasının işğal altında olan Dağlıq Qarabağ regionu haqqında qərəzli video reportaj yığışdırılıb və açıqlama yerləşdirilib.
Açıqlamada deyilir: “2014-cü il oktyabrın 18-də “Amerikanın səsi”nin erməni xidməti özünün saytında “Amerikanın səsi”nin jurnalist standartları balansını və obyektiv baxışı pozaraq Dağlıq Qarabağ barədə 10 dəqiqəlik video reportaj yerləşdirmişdi. Biz standartlarımızın pozulmasına görə təəssüf hissi keçiririk və əmin edirik ki, “Amerikanın səsi”nin erməni xidməti etibarlı xəbər mənbəyi kimi çalışacaq”.
Yusif Babanlı
AZƏRTAC-ın xüsusi müxbiri
Vaşinqton