DÜNYA


Əmirliklərə məxsus aviaşirkət öz sərnişinlərinin iki gecə oteldə qalmasının haqqını ödəyəcək

Əbu-Dabi, 11 aprel, AZƏRTAC

Birləşmiş Ərəb Əmirliklərinin “Ettihad Airways” aviaşirkəti yeni irimiqyaslı aksiyaya başlayıb. Bu aksiya çərçivəsində tranzit sərnişinlər Əbu-Dabinin otellərinin birində iki gecə pulsuz qalmaq imkanı əldə edə biləcəklər.

AZƏRTAC “ArabianBusiness” nəşrinə istinadla xəbər verir ki, BƏƏ-nin paytaxtından bütün istiqamətlərə biletlərin şirkətin saytında və ya turizm agentləri vasitəsilə iyunun 15-dək bronlaşdırıldığı təqdirdə oteldə iki gecə pulsuz qalmaq hüququna sahib olmaq mümkündür. Aksiya aprelin 21-dən iyulun 15-dək olan dövrdə keçirilir. Qonaqlar 15 oteldən, o cümlədən beşulduzlu “Intercontinental Abu Dhabi” və “Dusit Thani Abu Dhabi”, həmçinin “Courtyard by Marriott WTC”, “Crowne Plaza”, “Radisson Blu” və başqa otellərdən birini seçə bilərlər.

“EtihadAviationGroup” şirkətinin kommersiya direktoru Robin Kamark bildirib ki, Əbu-Dabiyə gələnlərin sayı ildən-ilə artmaqda davam edir və bu inanılmaz kampaniya şirkətə bizim qeyri-adi evimizi dünyanın hər yerindən olan çoxsaylı ziyarətçilərə nümayiş etdirməyə şərait yaradacaq.

 

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.