İQTİSADİYYAT


Əmlak Komitəsi: Altı ayda 193 saylı Çağrı mərkəzinə 16 mindən çox müraciət ünvanlanıb

Bakı, 5 iyul, AZƏRTAC

Əmlak Məsələləri Dövlət Komitəsinin (ƏMDK) Çağrı mərkəzi və onlayn resursları vasitəsilə bu il 16 mindən çox vətəndaş müraciəti cavablandırılıb.

Komitədən AZƏRTAC-a bildirilib ki, ƏMDK göstərilən xidmətlərdə şəffaflığı və yüksək keyfiyyəti təmin etmək məqsədilə vətəndaşların təklif və müraciətlərinə hər zaman diqqətlə yanaşır. Fəaliyyət üzrə yaranan hər bir sualın çevik cavablandırılması, müraciətlərin araşdırılması və həlli ilə bağlı komitənin 193 saylı Çağrı mərkəzi və onlayn müraciət resursları fəaliyyət göstərir. Cari ilin ilk 6 ayında komitənin məlumat-sorğu resurslarına ümumilikdə 16 mindən çox müraciət ünvanlanıb. Müraciətlərdən 12 mindən çoxu Çağrı mərkəzi, 4 minə yaxını isə komitənin saytı və Özəlləşdirmə portalındakı məsləhət pəncərələri, eləcə də sosial şəbəkələrdəki rəsmi səhifələri vasitəsilə cavablandırılıb.

Müvafiq dövr ərzində Çağrı mərkəzinə 11 min 700-dək sorğu tipli, 500-dək isə araşdırılması tələb olunan müraciət daxil olub. Sorğuların mövzuları əsasən, ərizə və məktubların icrası, daşınmaz dövlət əmlaklarının özəlləşdirilməsi, əmlakların dövlət qeydiyyatına alınması, elektron xidmətlər və digər məsələlərlə bağlıdır.

Çağrı mərkəzinə edilən müraciətlərin regionlar üzrə statistikasına baxdıqda 9 min 800-dək müraciət Bakı şəhərindən, 2 min 300-dək müraciət isə regionlardan ünvanlanıb. Bütün məlumat resursları ilə daxil olan hər bir müraciət qanunvericiliyə uyğun formada cavablandırılıb və ya həlli üçün struktur bölmələrə yönləndirilib.

193 Çağrı mərkəzi canlı və səsli menyu rejimində fasiləsiz fəaliyyət göstərir. Canlı rejim həftənin iş günləri saat 9:00-dan 18:00-dək, səsli menyu rejimi isə iş vaxtından sonra, həftənin qeyri-iş günləri və bayram günlərində fəaliyyət göstərir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.