Əmlak Məsələləri Dövlət Xidmətinin komandası “Breyn Rinq-3” yarışının qalibi olub

Bakı, 6 dekabr, AZƏRTAC

İqtisadiyyat Nazirliyi yanında Əmlak Məsələləri Dövlət Xidmətinin struktur bölmələrinin və tabeliyindəki qurumların əməkdaşları arasında 8 Noyabr - Zəfər Gününə həsr edilmiş “Breyn Rinq-3” intellektual yarışı başa çatıb. Məqsəd əməkdaşların asudə vaxtlarının səmərəli təşkili, zehni inkişafın təbliğidir.

Dövlət Xidmətindən AZƏRTAC-a bildirilib ki, oktyabrın 24-də başlayan, 27 komandanın iştirak etdiyi yarışda 6 komanda uğur qazanaraq final mərhələsinə keçib.

Birinci yerin sahibi Əmlak Məsələləri Dövlət Xidmətinin Aparatını təmsil edən komanda olub. İlk üçlükdə qərarlaşan komandalara pul mükafatı və hədiyyələr təqdim edilib.