“Amrahbank” Azərbaycanın ən sürətlə inkişaf edən bankı elan edilib

Bakı, 28 avqust (AZƏRTAC). İngiltərədə fəaliyyət göstərən və maliyyə məsələləri üzrə ixtisaslaşmış “Global Banking and Finance Review” nəşriyyat qrupu tərəfindən “Amrahbank” “makro, kiçik və orta sahibkarlığa göstərilən xidmətlər üzrə Azərbaycanın ən sürətlə inkişaf edən bankı elan olunub.

Şirkətdən AZƏRTAC-a bildiriblər ki, kiçik və orta sahibkarlıq bazarında iştirak payını möhkəmləndirmək, bu seqmentdə müştərilərinə yararlı olmaq son illərdə “Amrahbank”ın qəbul etdiyi strateji hədəflərindən biridir.

Kredit strategiyası üzrə hədəflərinə yeni yanaşma nümayiş etdirən “Amrahbank” son illər kredit resurslarını kiçik və orta sahibkarlığın inkişafına yönəldib və bu istiqamətdə yüksək nəticələr əldə edib.