DÜNYA


Ən “ağıllı” səsli köməkçi funksiyası açıqlanıb

Bakı, 27 iyul, AZƏRTAC

“Loup Ventures” şirkətinin analitikləri populyar səsli köməkçi funksiyalarını sınaqdan keçirərək onların ən “ağıllı”sını müəyyənləşdirib.

AZƏRTAC “belta.by” resursuna istinadla xəbər verir ki, testdə “Google Assistant”, “Siri”, “Alexa” və “Cortana” funksiyaları iştirak edib. Hər yardımçı funksiyaya 5 müxtəlif kateqoriya üzrə 800 sual verilib: ticarət, naviqasiya, lokal xüsusiyyətlər, informasiya və komandalar.

Məlumata görə, düzgün cavablara görə lider “Google Assistant” (85,5 faiz düzgün cavab) seçilib. İkinci yerdə “Siri” (78,5 faiz) qərarlaşıb. Sonuncu mövqelərdə “Alexa” və “Cortana” (61,4 və 52,4 faiz) funksiyaları yer alıb.

Şirkət əməkdaşlarının sözlərinə görə, ən keyfiyyətli sorğu informasiyasını “Google” səsli köməkçisi (93 faiz düzgün cavab) təqdim edir, “Siri” isə komandaları daha yaxşı yerinə yetirir (90 faiz).

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.