REGİONLAR


Ən böyük arzusu torpaqlarımızı azad görmək idi, bu yolda da şəhidlik məqamına yüksəldi VİDEO

Göyçay, 12 mart, Rəşad Türkoğlu, AZƏRTAC

Torpaqlarımızın bütövlüyü uğrunda gedən döyüşlərdə şəhidlik zirvəsinə ucalan övladlarımızdan biri də Göyçay rayonunun Şıxbəy kəndində anadan olan Qismət Yolçu oğlu Qasımovdur.

AZƏRTAC xəbər verir ki, Vətən müharibəsi başlayanda Qismətin 27 yaşı olub. Ürəyindəki arzuları çox olsa da, ən böyük arzusunu həyata keçirmək üçün silaha sarılaraq döyüşlərə qatılmağa qərar verib. Anası deyir ki, Qismət uşaqlıqdan həm vətənpərvər, həm də zəhmətkeş oğul idi. Atası dünyasını dəyişdikdən sonra evin yükü Qismətin üzərində olub.

Müharibənin ilk günlərindən döyüşlərə qatılan Qismət Qasımov silahdaşları ilə bərabər düşmənin xeyli sayda canlı qüvvəsini və texnikasını məhv edib. Oktyabrın 25-də Ağdərə-Suqovuşan istiqamətində gedən döyüşlərdə düşmənin hücumunun qarşısını alarkən qəhrəmancasına şəhidlik zirvəsinə yüksəlib.

Qismət Qasımov göstərdiyi şücaətlərə görə ölümündən sonra “Vətən uğrunda”, “Cəsur döyüşçü”, “Suqovuşanın azad olunmasına görə” medalları ilə təltif olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.