DÜNYA


Ən təmiz işıq şüası yaradılıb

Bakı, 7 fevral, AZƏRTAC

Massaçusets Texnologiya İnstitutunun mütəxəssisləri kosmosda istifadə ediləcək işıq şüası yaradıblar. Texnologiya vasitəsilə lazer işıq dəstəsini təmizləmək mümkün olub.

AZƏRTAC xarici KİV-lərə istinadla xəbər verir ki, alimlər tərəfindən təmizlənmiş lazer şüası buraxan xüsusi daşınan aparat hazırlanıb. Aparat kiçik qabaritlərinə və istifadə sadəliyinə görə fərqlənir. İşıq dəstəsini dəyişməyə məcbur edən dalğa uzunluğunda fərqə görə Yer kürəsi şəraitində tam təmizlənmiş işıq əldə etmək mümkün deyil. Bununla əlaqədar ali məktəb mütəxəssisləri işıq dəstəsini tam təmizləmək üçün lazer şüasını kosmosa göndərmək qərarına gəliblər.

Alimlər tərəfindən hazırlanan lazer xəttinin eni 20 hers təşkil edir. Müasir lazerlərin adi xəttinin eni isə 1-10 min hersə bərabər olur. Alimlər qurğunun hazırlanmasında 2 metr optik lifdən istifadə ediblər. Gələcəkdə onlar Yer orbitinə yerləşdiriləcək daha böyük aparatlar yaratmağı planlaşdırırlar.

Mütəxəssislərin hazırladığı dalğa ötürücüləri bir-biri ilə toqquşmaya yaxın olan “qara dəliklər” axtaran qurğu kimi istifadə oluna bilər. Onlar qurğu tərəfindən oxunacaq xüsusi dalğalar buraxırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.