İQTİSADİYYAT


Anadolu agentliyi Dövlət Gömrük Komitəsinin sədri barədə məqalə dərc edib

Bakı, 11 fevral, AZƏRTAC

Anadolu agentliyi Azərbaycan Respublikası Dövlət Gömrük Komitəsinin sədri Səfər Mehdiyev barədə məqalə dərc edib.

AZƏRTAC agentliyə istinadla xəbər verir ki, tələbəlik illəri və Türkiyədə aldığı təhsilin üstünlüklərindən danışan komitə sədri ümummilli lider Heydər Əliyevin təşəbbüsü ilə Naxçıvan Muxtar Respublikası üçün ayrılan tələbə təqaüdü proqramından istifadə edərək qardaş ölkədə təhsil almaq şansı əldə etdiyini deyib. Həmin dövrdə Türkiyə universitetlərində təhsil almağın hər bir azərbaycanlının arzusu olduğunu deyən S.Mehdiyev ilk illərdə elm və dünya görüşü cəhətdən çox müsbət nəticələr əldə etdiyini bildirib.

Uğur qazanmaq üçün keyfiyyətli təhsilin vacib olduğunu vurğulayan komitə sədri Türkiyədə aldığı təhsilin əhəmiyyətini qeyd edib.

Məqalədə qeyd edilir ki, Türkiyənin 1992-ci ildən həyata keçirdiyi təhsil təqaüdü proqramı çərçivəsində 125 mindən çox azərbaycanlı qardaş ölkədə təhsil alıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.