CƏMİYYƏT


Analitik Ekspertiza Mərkəzi beynəlxalq təşkilata üzvlük prosedurunun ilkin mərhələsinə qəbul edilib

Bakı, 7 sentyabr, AZƏRTAC

Əczaçılıq sahəsində milli tənzimləyici orqan kimi Səhiyyə Nazirliyinin Analitik Ekspertiza Mərkəzi (AEM) tərəfindən yerli və xarici dərman vasitələri istehsalçılarının Etibarlı İstehsalat Təcrübəsinin (EİT) tələblərinə uyğunluğunun qiymətləndirilməsi üçün mütəmadi olaraq addımlar atılır.

Həyata keçirilən təftişlərin effektivliyinin daha da artırılması, bu sahədə mövcud qanunvericiliyin beynəlxalq standartlarla uyğunlaşdırılması, EİT təftişlərini həyata keçirən işçi heyətinin bilik və bacarıqlarının təkmilləşdirilməsi, həmçinin EİT sahəsində milli, regional və beynəlxalq qurumlar ilə əməkdaşlığın gücləndirilməsi işi daim uğurla həyata keçirilir.

Bu məqsədlə Analitik Ekspertiza Mərkəzi tərəfindən PIC/S (Pharmaceutical Inspection Convention and Pharmaceutical Inspection Co-operation Scheme – Əczaçılıq Təftişi Konvensiyası və Əczaçılıq Təftişi üzrə Əməkdaşlıq Sistemi) beynəlxalq təşkilatına üzv olmaq məqsədilə cari ilin avqust ayında müraciət olunub və üzvlük prosedurunun ilkin mərhələsinə (“Pre-applicant”) qəbul edilib.

Bu barədə AZƏRTAC-a nazirliyin mətbuat xidmətindən bildirilib.

Qeyd edək ki, sözügedən təşkilat dünya ölkələrinin əczaçılıq sahəsində milli tənzimləyici orqanları arasında əməkdaşlığın qurulması məqsədi ilə Avropa Azad Ticarət Assosiasiyası tərəfindən 1970-ci ildə yaradılıb və hazırda ümumilikdə 53 üzvü var.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.