DÜNYA


Angela Merkel yeni kansler vəzifəsi uğrunda mübarizədə öz partiya yoldaşının namizədliyini dəstəkləyib

Berlin, 22 sentyabr, AZƏRTAC

Bu il Almaniyanın federal kansleri vəzifəsini tərk etməyə hazırlaşan Angela Merkel və onu əvəz edəcəyi ən çox ehtimal olunan Armin Laşet bu gün Ştralzunda birgə çıxış ediblər.

AZƏRTAC xəbər verir ki, Merkel öz partiya yoldaşını “Güclü iqtisadiyyatın və etibarlı iş yerlərinin qarantı” adlandırıb. O qeyd edib ki, ümumi seçkilərdə ilk növbədə Almaniyanın dünyada ən yaxşılar klubunu tərk etməməsi prinsipini rəhbər tutmaq lazım gələcək. “Bizdə yaxşı iş və yaxşı əməkhaqqı yalnız o halda olacaq ki, biz dünyada ən yaxşılar sırasında olaq”, - deyən Merkel almanları Laşeti dəstəkləməyə çağırıb.

Merkel görüşdə iştirak edənlərdən “yaxın illərdə ölkənin firavanlaşmasını təmin etmək və onun təhlükəsizliyini möhkəmlətmək üçün əllərindən gələni etmələrini xahiş edib və onları əmin edib ki, Laşet bu işi görə bilər.

“Pandemiya dövründə borcla yüksək səviyyəyə çatandan sonra maliyyə vəziyyətinin möhkəm olduğu dövrə qayıtmaq lazımdır. Mən qırmızı-yaşıl hökumətin bu addımı atacağını düşünmürəm”, - deyən Merkel seçkilərdən sonra ASDP, Yaşıllar və Sollar koalisiyasından ehtiyatlı olmağa çağırıb.

Laşet isə öz növbəsində qeyd edib ki, daxili və xarici təhlükəsizliyi təmin edən federal hökumətə malik olmaq zəruridir. Daha sonra o Merkelin ehtiyatlı olmaq çağırışını dəstəkləyərək deyib: “Biz hamımız üçün təhlükəsizlik yaradacaq güclü dövlətə can atırıq. Yaşıllar və qırmızılarla bunu etmək mümkün deyil”.

Xatırladaq ki, Almaniyada növbəti seçkilər qarşıdan gələn bazar günü olacaq.

 

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.