DÜNYA


Ankarada Qazaxıstan ədəbiyyatçılarının yaradıcılığına həsr olunan mərasim keçirilib

Ankara, 21 oktyabr, AZƏRTAC

Ankarada Beynəlxalq Türk Mədəniyyəti Təşkilatının (TÜRKSOY) Mərkəzi Qərargahında “Qazax xalqının üç ulu çinarı” mövzusunda anma mərasimi keçirilib.

AZƏRTAC xəbər verir ki, mərasim qazax ədəbiyyatının görkəmli şəxsiyyətləri- Saken Seyfullin, İlyas Jansugirov və Beyimbet Maylinin həyat və yaradıcılığına həsr olunub.

Rəsmi hissədə TÜRKSOY-un baş katibi Düsen Kaseinov, Qazaxıstanın Türkiyədəki səfiri Abzal Saparbekulı, Almatı Vilayətinin mədəniyyət idarəsinin müdiri Marlen Kolbayev və Türk Dili Təşkilatının rəhbəri Gürər Gelsevin danışıblar.

Sonra mərasim panellər üzrə davam edib.

Çıxışlarda barələrində bəhs edilən ədəbiyyat korifeylərinin zəngin və mənalı həyat yolundan söz açılıb. Onların qazax ədəbiyyatındakı tarixi fəaliyyətləri yüksək dəyərləndirilib.

Sonda mərasim zəngin bədii proqramla davam edib.

Sabir Şahtaxtı

AZƏRTAC-ın xüsusi müxbiri

Ankara 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.