CƏMİYYƏT


Ankarada yeraltı sərvətlərin işlənilməsinə dair əməkdaşlıq məsələləri müzakirə olunub

Bakı, 13 may, AZƏRTAC

Dövlət Mineral Xammal Ehtiyatlarından İstifadə Agentliyi və “AzerGold” Qapalı Səhmdar Cəmiyyətinin rəsmilərindən ibarət nümayəndə heyəti Türkiyənin Ankara şəhərində işgüzar səfərdə olub.

Nümayəndə heyəti ümummilli lider Heydər Əliyevin Ankara şəhərində ucaldılmış abidəsini ziyarət edərək önünə gül dəstələri qoyub, əziz xatirəsini ehtiramla yad edib.

Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, iki qardaş ölkə arasında ötən ilin sonunda mədənçilik sahəsində əməkdaşlığa dair imzalanan Anlaşma Memorandumu çərçivəsində həyata keçirilən səfər zamanı mədənçiliyin inkişafı, geoloji araşdırmalar, yeraltı sərvətlərin işlənilməsi və digər qarşılıqlı maraq doğuran məsələlər ətrafında fikir mübadiləsi aparılıb, birgə fəaliyyətin təşkili imkanları müzakirə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.