QAN YADDAŞI


Anni D’Esker: Qətlə yetirilmiş günahsız insanların xatirəsini anmaq sülhə, ədalətə aparan yoldur VİDEO

Paris, 27 fevral, AZƏRTAC

Xocalı soyqırımı qurbanlarının xatirəsini anmaq çox vacibdir. Qətlə yetirilmiş o günahsız insanların xatirəsini anmaq sülhə, xüsusilə də ədalətə aparan yoldur. Fransa Azərbaycan torpaqlarının işğalını tanıyıb və bir ölkənin ərazi bütövlüyünün pozulmasının nə demək olduğunu yaxşı anlayır. Çünki Fransa özü də bu problemi yaşamış ölkədir.

Bu fikirləri Xocalı faciəsinin 28-ci ildönümü münasibətilə Parisdə keçirilən anım mərasiminin iştirakçısı Anni D’Esker (Annie D’Esquerre) AZƏRTAC-a müsahibəsində söyləyib.

“Düşünürəm ki, Fransa dövləti və xalqı azərbaycanlıların ağrı-acısını yaxşı başa düşür. Xocalı hadisələri dəhşətli faciədir. Xocalı qurbanlarının xatirəsinin yad edilməsi üçün keçirilən bu tədbir, onların ruhuna edilən dualar ədalətə və Qarabağa dönüş yolunu işıqlandıran ümiddir.

Fransa dövləti Ermənistan-Azərbaycan Dağlıq Qarabağ münaqişəsinin həllində aparıcı rol oynamalıdır”, - deyə o qeyd edib.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.