DÜNYA


Antalyada Cənub-Şərqi Avropa Ölkələri Əməkdaşlıq Prosesi Sammiti keçirilib

Antalya, 17 iyun, AZƏRTAC

Türkiyənin Antalya şəhərində Cənub-Şərqi Avropa Ölkələri Əməkdaşlıq Prosesi Sammiti (SEECP) keçirilib.

AZƏRTAC xəbər verir ki, Türkiyə Prezidenti Rəcəb Tayyib Ərdoğan Sammitdəki çıxışında təşkilatın yaranması tarixindən, məqsədindən, Türkiyənin quruma sədrliyi dövründə görülən işlərdən, qarşıda duran vəzifələrdən, mövcud problemlərdən danışıb.

Təşkilatın ötən 25 ildəki fəaliyyətinə nəzər salan Rəcəb Tayyib Ərdoğan dünyadakı ikili standartlar, milli və dini ayrı-seçkiliklərdən bəhs edib, Türkiyənin bundan sonra da belə hallara qarşı qətiyyətlə mübarizə aparacağını vurğulayıb.

Türkiyənin terrorizmlə mübarizəni davam etdirəcəyini diqqətə çatdıran Rəcəb Tayyib Ərdoğan vurğulayıb ki, ölkəsi qanunsuz miqrasiya axınına qarşı seyrçi mövqedə dayanmaq fikrində deyil.

Qeyd edək ki, iyulun 1-də Türkiyə SEECP təşkilatına sədrliyi Yunanıstana təhvil verəcək.

Sabir Şahtaxtı

AZƏRTAC-ın xüsusi müxbiri

Antalya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.