İDMAN


Anxel Di Mariya İngiltərə Premyer Liqasına qayıda bilər

Bakı, 16 oktyabr, AZƏRTAC

Fransanın “Pari Sen-Jermen” (PSJ) klubunun argentinalı yarımmüdafiəçisi Anxel Di Mariyanın karyerasını İngiltərə Premyer Liqasında davam etdirəcəyi gözlənilir.

AZƏRTAC xəbər verir ki, bu barədə “Mirror” qəzeti məlumat yayıb.

Qəzetdə qeyd olunub ki, əvvəllər “Mançester Yunayted”in şərəfini qoruyan futbolçunun PSG ilə müqaviləsi mövsümün sonunda başa çatacaq. Çox güman ki, klub argentinalı ilə müqaviləni uzatmayacaq. O, Premyer Liqaya öz arzusu ilə qayıtmaq istəyir. Otuz yaşlı futbolçunun agentləri hesab edirlər ki, İngiltərə klubları yarımmüdafiəçiyə həftədə 200 min funt sterlinq (227 min avro) məvacib ödəyə biləcəklər.

Qeyd edək ki, bir müddət əvvəl mediada “Yuventus”un bu futbolçu ilə maraqlandığı iddia olunurdu.

Anxel Di Mariya 2015-ci ildə 63 milyon avroya “Mançester Yunayted”dən PSJ-yə keçib. Cari mövsümdə argentinalı yarımmüdafiəçi parislilərin heyətində 12 oyunda 6 qol vurub və 3 məhsuldar ötürmə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.