CƏMİYYƏT


Aprel döyüşləri şəhidinin doğum günündə xatirəsi anılıb

Bakı, 27 iyul, AZƏRTAC

Aprel döyüşləri zamanı şəhid olan Elimdar Səfərovun doğum günündə xatirəsi anılıb.

AZƏRTAC xəbər verir ki, Yeni Azərbaycan Partiyası (YAP) Neftçala rayon təşkilatının sədri Ülvi Fərzəliyev, Neftçala Rayon İcra Hakimiyyəti Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri İlqar Həsənov, şəhid ailələri, döyüş yoldaşları, Aşağı Qaramanlı kənd ərazi partiya təşkilatının fəalları, din xadimləri Aprel döyüşləri zamanı şəhid olmuş Elimdar Səfərovun doğum günü münasibətilə məzarını ziyarət edib, önünə gül dəstələri düzərək əziz xatirəsini dərin ehtiramla yad ediblər.

Sonra şəhidin ailəsi ziyarət olunub, qəhrəmanın keçdiyi şərəfli həyat və döyüş yolundan geniş bəhs edilib.

Şəhidimizin ailəsi dövlət səviyyəsində onlara göstərilən diqqət və qayğıya görə Prezident, Müzəffər Ali Baş Komandan İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.