REGİONLAR


Aqrar Universitetdə Vətən müharibəsi şəhidlərinin xatirəsi anılıb

Gəncə, 27 sentyabr, Elcan Məmmədov, AZƏRTAC

27 sentyabr – Anım Günü ilə əlaqədar Azərbaycan Dövlət Aqrar Universitetində (ADAU) professor-müəllim heyəti və tələbələrin iştirakı ilə tədbir keçirilib.

AZƏRTAC-ın bölgə müxbiri xəbər verir ki, Tələbə parkında keçirilən tədbirdə çıxış edən rektor, AMEA-nın müxbir üzvü, professor İbrahim Cəfərov 1 il bundan öncə Müzəffər Ordumuzun başladığı uğurlu əks-hücum əməliyyatından və xalqımızın dözümlü iradəsindən söz açıb: “Bu gün biz, yaşadığımız qələbə sevincini şəhidlərimizə və qəhrəman qazilərimizə, əsgərlərimizə borcluyuq. ADAU-nun 6 əməkdaşı da bu qəhrəmanlıq savaşında iştirak edib. Prezidentimizin rəhbərliyi ilə ordumuz 30 illik həsrətə son qoydu. Biz bundan sonra işğaldan azad edilən torpaqlarımızın dirçəlməsində, yenidən qurulmasında canla-başla iştirak edəcəyik”.

Tədbirdə Aqronomluq fakültəsinin dekan əvəzi Aynur Həsənova, İctimai elmlər və multikulturalizm kafedrasının müdiri Azad Bayramov, universitetin Vətən müharibəsində iştirak edən əməkdaşlarından Daxili nəzarət şöbəsinin müdiri Namiq Cəfərov və universitetin əməkdaşı Asif Hazıcadə, tələbələrdən Aqronomluq fakültəsinin 3-cü kurs tələbəsi Həmid Şıxbabayev çıxış ediblər.

Sonda Tələbə parkında ucaldılan Şəhidlər abidəsinin qarşısına gül dəstələri düzülüb, dualar oxunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.