DÜNYA


Aralıq dənizində Yunanıstan və Türkiyə gəmiləri arasında insident yaşanıb

Ankara, 19 oktyabr, AZƏRTAC 

Yunanıstanın hərbi gəmilərinin Türkiyəyə məxsus “Barbaros Hayrettin Paşa” gəmisinin Aralıq dənizinin şərqində apardığı kəşfiyyat-qazma işlərinə maneə olmaq cəhdinin qarşısı alınıb. Türkiyə hökuməti bəyan edib ki, bu cür halların davam etməsi yolverilməzdir.

Türkiyə Ekologiya və Təbii Sərvətlər Nazirliyi məsələ ilə bağlı açıqlamasında bildirib ki, bu ölkə Aralıq dənizinin “Güzelyurt” hissəsində beynəlxalq hüquq normalarına uyğun olaraq özünə aid ərazidə kəşfiyyat-qazma işləri aparır.

Türkiyə Xarici İşlər Nazirliyi isə hesab edir ki, Yunanıstan tərəfi əsassız iddiaları kənara qoymalı və münasibətləri mehriban qonşuluq siyasəti çərçivəsində davam etdirməlidir.

Qeyd edək ki, Yunanıstana məxsus hərbi gəmilər oktyabrın 17-də Aralıq dənizinin şərqində kəşfiyyat-qazma işlərinə başlayan “Barbaros Hayrettin Paşa” gəmisinə mane olmağa cəhdi edib. Lakin Türkiyə Hərbi Dəniz Qüvvələrinin ərazidəki qüvvələrinin müdaxiləsi nəticəsində bu qanunsuz cəhdin qarşısı alınıb.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.