CƏMİYYƏT


Aralıq dənizində suyun temperaturu 30 dərəcəyə çatıb

Bakı, 30 iyul, AZƏRTAC

Aralıq dənizində suyun temperaturu 30 dərəcəyə çatıb.

AZƏRTAC “Euronews” telekanalına istinadla xəbər verir ki, bu, orta göstəricidən 4-6 dərəcə yüksəkdir və “dəniz istisi” artıq biomüxtəlifliyə təsir edir.

İstilik anomaliyası alimləri narahat edir, çünki Aralıq dənizi sürətlə istiləşir, bu da iqlim dəyişikliyinin ən görünən təsirlərindən biridir.

“Fransanın Aralıq dənizi sahillərində havanın temperaturu mövsümi normalardan 5-6 dərəcə, hətta daha yüksəkdir. Bu fenomeni qeyri-adi edən dəniz istiliyinin müddəti və təkrar baş verməsidir. Son üç ayda vaxtın dörddə üçünü dəniz istisində keçirmişik”, - deyə okeanoqraf və klimatoloq Jan-Batist Salle bildirib.

Yüksək temperatur kövrək dəniz otu yataqlarını məhv edir. Dənizin ağciyərləri hesab edilən yataqlar nəsli kəsilməkdə olan bir çox növ üçün həyati vacib yaşayış yeridir.

“Biz dəniz istiliyinin hər dalğası zamanı yüksək ölüm təhlükəsi ilə üzləşən təxminən əlli növ canlı saydıq”, - deyə okeanoqraf Jan-Pyer Qatuzo qeyd edib.

Belə şəraitdə təhlükəli, ekosistemə zərər vuran, isti suyun cəlb etdiyi balıqlar çoxalmağa başlayıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.