REGİONLAR


“Araz-Naxçıvan” Sumqayıt təmsilçisi üzərində qələbə qazanıb

Naxçıvan, 28 sentyabr, AZƏRTAC

Futbol üzrə Azərbaycan I Divizionunun V turu çərçivəsində “Araz-Naxçıvan” “Sumqayıt-2”ni qəbul edib.

AZƏRTAC-ın Naxçıvan bürosu xəbər verir ki, Naxçıvan Muxtar Respublika Stadionunda keçirilən oyunda “Araz-Naxçıvan” Sumqayıt təmsilçisi üzərində 4:0 hesablı qələbə qazanıb.

Hesab oyunun 27-ci dəqiqəsində açılıb. Ev sahibinin heyətində Orxan Əliyev fərqlənib. Bundan sonra da hücumlarını davam etdirən “qırmızı-ağlar” Orxan Əliyevlə 42-ci dəqiqədə hesabı 2:0 edib. Görüşün 44-cü dəqiqəsində qonaqlar yenidən mərkəzə dəvət edilib. Bu dəfə Fərid Kərimzadə fərqlənib – 3:0. İlk hissə bu hesabla yekunlaşıb.

İkinci hissədə də oyuna nəzarəti ələ alan “Araz-Naxçıvan” 64-cü dəqiqədə hesabı 4:0 edib. Orxan Əliyev fərqlənməklə het-trikini rəsmiləşdirib. Oyun bu hesabla yekunlaşıb.

Qeyd edək ki, “Araz-Naxçıvan” I Divizionda ötən 5 oyunda 5 qələbə qazanaraq hazırda 15 xalla turnir cədvəlinin lideridir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.