CƏMİYYƏT
Araz çayının Novruzlu məntəqəsində suyun səviyyəsi 9 santimetr artıb
Bakı, 15 avqust, AZƏRTAC
Ötən günlər ərzində respublika çaylarının sululuğunda əsasən mühüm dəyişiklik müşahidə olunmayıb. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 50-80, Kiçik Qafqazın çaylarında 30-80, Lənkəran-Astara bölgəsi çaylarında isə 40-60 faizini təşkil edir.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentindən bildirilib. Məlumata görə, avqustun 15-də Kür çayının Qıraqkəsəmən məntəqəsində suyun səviyyəsində 3 santimetr azalma müşahidə olunub. Məntəqədə su sərfi saniyədə 30 kubmetr təşkil edib. Qanıx çayının Əyriçay məntəqəsində isə suyun səviyyəsində 5 santimetr azalma qeydə alınıb. Hazırda məntəqədə su sərfi saniyədə 51 kubmetrdir. Araz çayının Novruzlu məntəqəsində isə suyun səviyyəsi 2 santimetr azalıb.
Kür çayının aşağı axınında suyun səviyyəsində artım qeydə alınıb. Araz çayının Novruzlu məntəqəsində isə suyun səviyyəsi 9 santimetr qalxıb.
Hazırda suyun səviyyəsi Kür çayının aşağı axınındakı məntəqələrdə - Surrada 370, Salyanda 147, Bankədə 193, Novruzlu məntəqəsində isə 83 santimetrdir.