DÜNYA


Ərdoğan: Rusiya və Ukrayna arasında müharibənin danışıqlar masası arxasında bitəcəyinə ümid edirəm

Kiyev, 18 avqust, AZƏRTAC

Türkiyə İstanbul formatında danışıqların davamı olaraq müharibənin dayandırılması üzrə danışıqların bərpası üçün bütün lazımi dəstəyi verməyə hazırdır.

AZƏRTAC xəbər verir ki, bunu Türkiyə Prezidenti Rəcəb Tayyib Ərdoğan Ukraynaya səfərindən sonra keçirilən mətbuat konfransında deyib.

"Biz beynəlxalq ictimaiyyətin diplomatik prosesin bərpası üçün dəstəyini xüsusi qeyd etdik. Ümid edirəm ki, müharibə nəhayət, danışıqlar masası arxasında başa çatacaq. Zelenski və Quterreş də bununla razıdırlar. Məsələ ən qısa və ən çox olanı müəyyən etməkdir. Danışıqlar masasına doğru ədalətli yolu seçməkdir”, - deyə Ərdoğan əlavə edib.

Onun sözlərinə görə, İstanbulda danışıqlar bərpa oluna bilər.

"İnanıram ki, mart ayında İstanbulda aparılmış müzakirələr əsasında danışıqlar bərpa oluna bilər. Biz bunun üçün hər cür dəstəyi göstərməyə və yenidən vasitəçi rolunu oynamağa hazırıq", - Ərdoğan bildirib.

Türkiyə Prezidenti, həmçinin deyib ki, danışıqlar zamanı əsirlərin dəyişdirilməsi də müzakirə olunub: “Görüş zamanı biz hərbi əsirlərin mübadiləsini və təşəbbüslərimizi müzakirə etdik. Demək istəyirəm ki, biz bu məsələyə biganə deyilik”.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.