SİYASƏT


Ərəb telekanalları Azərbaycan Ordusunun Laçına daxil olması barədə reportajlar yayıb

Qahirə, 1 dekabr, AZƏRTAC

Azərbaycan Ordusunun Laçın rayonuna daxil olması ərəb ölkələrinin televiziya kanallarının da diqqət mərkəzindədir.

AZƏRTAC xəbər verir ki, “Əl-Hədat”, “Əl-Cəzirə”, “Əl-Məmləkə”, “Əl-Ərəbiyyə” və “Extranews” telekanalları şanlı Azərbaycan Ordusunun Laçın rayonuna daxil olması ilə bağlı kadrlarını əks etdirən reportajlar yayımlayıb.

Reportajlarda qeyd olunub ki, Azərbaycan, Rusiya və Ermənistan liderlərinin noyabrın 10-da imzaladığı Bəyanatın şərtlərinə uyğun olaraq, Azərbaycan Silahlı Qüvvələrinin bölmələri Laçın rayonuna daxil olub.

Diqqətə çatdırılıb ki, 44 gün davam edən və Ermənistanın kapitulyasiya aktı imzalaması ilə başa çatan döyüşlərdən sonra işğalçı ölkə son bir ay müddətində Ağdam, Kəlbəcər və Laçın rayonlarını azad etməyə məcbur edilib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.