“Ərəbcə-azərbaycanca siyasi terminlər və beynəlxalq təşkilat adları lüğəti” nəşr olunmuşdur
Bakı, 3 dekabr (AZƏRTAC). Qafqaz Universiteti “Ərəb dili və ədəbiyyatı” kafedrası mütəxəssislərinin hazırladıqları “Ərəbcə-azərbaycanca siyasi terminlər və beynəlxalq təşkilat adları lüğəti” nəşr olunmuşdur.
Qafqaz Universitetindən AZƏRTAC-a bildirmişlər ki, lüğət ərəb dilindən Azərbaycan dilinə tərcümə, xüsusilə də, siyasi məzmunlu tərcümə ilə məşğul olanlara kömək məqsədi ilə hazırlanmışdır.
Nəşrdə sözlər ərəb əlifbası ardıcıllığı və azərbaycanca müvafiq qarşılığı ilə təqdim edilir.
Lüğət mütəxəssislər, tələbə və doktorantlar, eləcə də ərəb dilli geniş oxucu kütləsi üçün nəzərdə tutulmuşdur.
Bölmənin digər xəbərləri
