SİYASƏT


Argentina telekanalında Ermənistanın işğalçı siyasətindən bəhs olunub VİDEO

Bakı, 13 avqust, AZƏRTAC

Argentinanın LVC telekanalı Ermənistanın ölkəmizə qarşı apardığı işğalçı və təcavüzkar siyasətdən bəhs edib.

Diasporla İş üzrə Dövlət Komitəsindən AZƏRTAC-a bildiriblər ki, Azərbaycan icmasının üzvü Mahir Qurbanov telekanala müsahibəsi zamanı Dağlıq Qarabağ münaqişəsinin tarixi, Ermənistanın havadarlarının köməyi ilə Azərbaycan ərazilərinin 20 faizini işğal etməsi və etnik təmizləməyə məruz qoyması barədə ətraflı məlumat verib.

Azərbaycanın beynəlxalq hüquq normalarına uyğun olaraq öz ərazilərinin dinc yolla işğaldan azad edilməsini tələb etdiyinə diqqətə çatdıran soydaşımız faşist mahiyyətli Ermənistan dövlətinin BMT-nin və nüfuzlu beynəlxalq təşkilatların Dağlıq Qarabağa dair qətnamələrinə və qərarlarına məhəl qoymadığını, Azərbaycanın əzəli torpağı olan Dağlıq Qarabağ bölgəsini və ona bitişik 7 rayonu uzun illərdir işğal altında saxladığını, qeyri-qanuni olaraq məskunlaşdırdığını bildirib.

Müsahibə zamanı Ermənistan silahlı qüvvələrinin iyulun 12-dən başlayaraq Azərbaycanın Dağlıq Qarabağ bölgəsindən uzaqda yerləşən Tovuz rayonu istiqamətindəki dövlət sərhədinə xaincəsinə hücuma keçməyə cəhd etməsi, sərhədyanı hərbi obyektlərə və yaşayış məntəqələrinə artilleriya zərbələri endirməsi nəticəsində azərbaycanlı hərbçilərin və dinc sakinin həlak olduğu, 10-larla evin dağıldığı bildirilib. Azərbaycan ordusunun cavab tədbirləri ilə düşmənin məkrli planlarının qarşısının alındığı vurğulanıb.

Qeyd edilib ki, Azərbaycan xalqı dünya birliyindən və beynəlxalq təşkilatlardan Ermənistanın işğalçı və təcavüzkar siyasətinə son qoyulması, torpaqlarımızın işğaldan azad edilməsi, ölkəmizin ərazi bütövlüyünün bərpa olunması və Cənubi Qafqaz bölgəsində ədalətli sülhün bərqərar olması naminə qətiyyətli addımlar atılmasını tələb edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.